ობამა ამერიკის ეკონომიკის გაუმჯობესებაზე საუბრობს

38 თვის მანძილზე შეიქმნა 7 მილიონი სამუშაო ადგილი და საბიუჯეტო დეფიციტი მცირდება.

აშშ-ის პრეზიდენტი ბარაკ ობამა კანონმდებლებს ვაშინგტონში დაბრუნებისთანავე ეკონომიკის გაჯანსაღებისთვის  რამდენიმე მნიშვნელობანი ნაბიჯის გადადგმისკენ მოუწოდებს.

შაბათს ყოველკვირეულ მიმართვაში პრეზიდენტმა ხაზი გაუსვა მისი ადმინისტრაციის მიღწევებს ოთხწლიანი პერიოდის განმავლობაში. მისი განცხადებით, შედეგები ნათელყოფს, რომ “გეზი სწორად არის აღებული.”

როგორც პრეზიდენტი ობამა აღნიშნავს, 38 თვის მანძილზე შეიქმნა 7 მილიონი სამუშაო ადგილი, საბიუჯეტო დეფიციტი მცირდება, ასევე ჯანმრთელობის დაზღვევის კატასტროფული ზრდაც შენელდა.

დადებითი ძვრებია მანქანათმშენებლობის ინდუსტრიის და უძრავი ქონების ბაზარზე.

03.06.13