თურქეთის დედაქალაქ ანკარაში და ყველაზე დიდ ქალაქ სტამბულში მეორე დღეა პოლიციასა და დემონსტრანტებს შორის შეტაკებები გრძელდება. ამის შესახებ „ბი-ბი-სი“ იუწყება.
სტამბულში სამართალდამცავებმა 40–ათასიანი დემონსტრაციის დასაშლელად ცრემლსადენი გაზი გამოიყენეს.
„ბი-ბი-სი“ს ცნობით, დემონსტრანტები ევროპისა და აზიის დამაკავშირებელი ბოსფორის ხიდის გადაკვეთასა და სტამბოლის ცენტრში შეღწევას ცდილობენ, რის გამოც ქალაქში სატრანსპორტო მიმოსვლა პარალიზებულია.მაუწყებლის ინფორმაციით, სტამულში არეულობების ჩასახშობად, პოლიციის ქვედანაყოფები მთელი ქვეყნიდან მიჰყავთ.
მომიტინგეები ასევე სამართალდამცავებს ქვებსა და მოლოტოვის კოქტეილებს უშენენ.
დღესვე „ტვიტერში“ გავრცელდა ინფორმაცია, რომ პოლიციასთან შეტაკებისას ოთხი ადამიანი დაიღუპა, თუმცა ეს ინფორმაცია ოფიციალურად არ დასტურდება.
სტამბულელ დემონსტრანტებს სოლიდარობა ანკარაშიც გამოუცხადეს, სადაც “სოლიდარობის მარშის” მონაწილეებმა პარლამენტის შენობის შტურმით აღება სცადეს. ასევე, ანკარაში ათასობით დემონსტრანტი ქალაქის მთავარ პარკშია შეკრებილი, სადაც ალკოჰოლურ სასმელებს სვამენ, რითაც აპროტესტებენ ალკოჰოლის რეკლამისა და გაყიდვის ერთი კვირის წინ დაწესებულ შეზღუდვას.
აღსანიშნავია, რომ დემონსტრანტებს, რომლებიც სტამბულში ხეების გაჩეხვა გააპროტესტეს, მთელი ქვეყნის მასშტაბით სოლიდარობას უცხადებენ, ხოლო დემონსტრანტაციები ეკოლოგიური ხასიათის ნაცლად პოლიტიკურ ელფერს იძენს.
ექსპერტების ვარაუდით, დემონსტრანტები, თურქეთის პრემიერის რეჯეფ თაიფ ერდოღანის მმართველობის ავტორიტარული სტილი არ მნოსწონთ.
03.06.13