საქალაქო სასამარლო „პოპულის“ მიმართ გადახდისუუნარობის საქმის წარმოებას იწყებს

თბილისის საქალაქო სასამარლო სს „პოპულის“ მიმართ გადაუხდისუუნარობის საქმის წარმოებას იწყებს. მათ შესაბამისი მოთხოვნით სასამარლოს შპს „ენგადიმ“ და „წყალი  მარგებელმა“ მიმართეს.

დასახელებული კომპანიების მხრიდან სასამარლოსთვის მიმართვა იმან განაპირობა, რომ სს „პოპულის“ მათ მიმართ რამდენიმე მილიონის დავალიანება აქვს, მოვალეს კი არ გააჩნია უნარი, გადაიხადოს დავალიანება.

„პოპულისა“ და „იოლის“ მარკეტინგის მენეჯერმა ლადო ციმაკურიძემ განაცხადა გაზეთ კვირის ქრონიკასთან, რომ „პოპული“ ნელ-ნელა  ძალებს იკრებს და სტატისტიკაზე დაყრდნობით, შეიძლება თამამი განცხადება გაკეთდეს, რომ  ბოლო ექვსი თვის მანძლზე გაყიდვების მხრივ მაჩვენებელი გაიზარდა.

ცნობილია ისიც, რომ „იოლი გასტრონომიას“ აწ უკვე ყოფილი მფლობელი საულუს ვაიტკიავიჩუსი, რამდენიმე დღის წინ თბილისის საერთაშორისო აეროპორტში დააკავეს. ბიზნესმენი ქრთამის გაცემაშია ეჭვმიტანილი.

„პოპული“ მოლაპარაკებებს ახორციელებს უშუალოდ მოსარჩლე კომპანიებთან, რომ სასამართლოს ნაცვლად უშუალოდ „პოპულთან“ იქნეს მოგვარებული. ჯერ-ჯერობით უცნობია კონკრეტულად რა მოლაპარაკებებს აწარმოებს იმ კომპანიებთან, რომელმაც მისგან ვალის ამოღება სასამართლოს გზით გადაწყვიტეს.

ამ ეტაპზე „წყალი მარგებელი“ აწარმოებს მოლაპარაკებებს „პოპულისთან“ და ხელმძღვანელებს შორის რამდენიმე შეხვედრაც გაიმართა.

„ენგადი“  და “წყალი მარგებელი“ დათანხმდებიან თუ არა სასამართლოს გვერდის ავლით ამოიღონ მევალისგან თანხა, ჯერ ისევ უცნობია.

04.06.13

სალი თაბუნიძე