6-9 მაისს საქართველოს ევროპის საბჭოს საპარლამენტო ასამბლეის პრეზიდენტი ან ბრასტორი ეწვევა. ამის შესახებ დღეს გამართულ პრესკონფერენციაზე საგარეო საქმეთა სამინისტროს სპიკერმა დავით კერესელიძემ განაცხადა.
მისივე თქმით, ვიზიტის ფარგლებში ევროპის საბჭოს საპარლამენტო ასამბლეის პრეზიდენტი შეხვდება საქართველოს საგარეო საქმეთა მინისტრს თამარ ბერუჩაშვილს.
შეხვედრაზე განიხილავენ საქართველოსა და ევროპის საბჭოს საპარლამენტო ასამბლეის თანამშრომლობის საკითხებს. ევროპის საბჭოსთან საქართველოს მიერ აღებულ ვალდებულებებს, საქართველოს ოკუპირებულ ტერიტორიებზე არსებულ მდგომარეობას, მათ შორის ადამიანის უფლებების დარღვევის საკითხებს აფხაზეთისა და ცხინვალის ოკუპირებული ტერიტორიებზე.
ევროპის საბჭოს საპარლამენტო ასამბლეის პრეზიდენტი ვიზიტის ფარგლებში შეხვდება პრეზიდენტ გიორგი მარგველაშვილს, პრემიერ-მინისტრ ირაკლი ღარიბაშვილს, პარლამენტის თავმჯდომარე დავით უსუფაშვილს, უზენაესი სასამართლოს თავმჯდომარე ნინო გვენეტაძეს, ასევე არასამთავრობო ორგანიზაციების და სამოქალაქო სექტორის წარმომადგენლებს.
Discussion about this post