“გვაქვს ერთ-ერთი ყველაზე კარგი შესაძლებლობა, რომ ამოვძვრეთ კი არა, ამოვხტეთ ამ ეკონომიკური ვითარებიდან”

მარგველაშვილის აზრით, მნიშვნელოვანია ისიც, რომ მთავრობა გადაწყვეტილებებს დამოუკიდებლად იღებდეს.

„5%-იანი ეკონომიკური ზრდა მართლაც კარგია, რაც შარშან გვქონდა. 1 მილიარდ 200 მილიონიანი ინვესტიცია ძალიან კარგია და საინტერესოა. შარშან მოგვეცა სრულიად ახალი ბერკეტი – ეს არის ევროპასთან თავისუფალი ვაჭრობის შესაძლებლობა. რეიტინგებში ძალიან კარგ დონეს ვინარჩუნებთ, ცოტა ხანში რკინიგზა დამთავრდება, რომელიც თურქეთთან შეგვაერთებს, ახალი გლობალური პროექტები იწყება. ანუ რეალურად გვაქვს ერთ-ერთი ყველაზე კარგი შესაძლებლობა, რომ მართლა ამოვხტეთ, ამოვძვრეთ კი არა, ამოვხტეთ ამ ეკონომიკური ვითარებიდან“, – განაცხადა მარგველაშვილმა, რომელიც დუშეთში იმყოფებოდა.