საბაჟო დეპარტამენტის გაფორმების სამმართველოს ქუთაისის განყოფილებამ კონტრაფაქციული საქონელი შეაჩერა

საბაჟო დეპარტამენტის გაფორმების სამმართველოს ქუთაისის განყოფილებამ კონტრაფაქციული საქონელი შეაჩერა. კომპანიას ჩინეთიდან კონტეინერით შემოჰქონდა 3 126 აშშ დოლარის ღირებულების 1 452,1 კგ (113 ყუთი) კონტრაფაქციული „ლითონის საჭრელი ქვა“ სასაქონლო ნიშნით „3“.

შემოსავლების სამსახურის ინფორმაციით, აღნიშნული სასაქონლო ნიშანი, საქართველოს ინტელექტუალური საკუთრების ეროვნული ცენტრის „საქპატენტის“ N598/03 ბრძანების მიხედვით, წარმოადგენს ინტელექტუალური საკუთრების ობიექტს – გამოსახულებით სასაქონლო ნიშანს.
აღნიშნულიდან გამომდინარე, საბაჟო დეპარტამენტის თანამშრომლებმა, „ინტელექტუალურ საკუთრებასთან დაკავშირებულ სასაზღვრო ღონისძიებათა შესახებ“ 1999 წლის  23 ივნისის საქართველოს კანონის მე-5 მუხლის შესაბამისად, 10 კალენდარული დღით შეაჩერეს საქონელი.

ინფორმაცია საქონლის შეჩერებასთან დაკავშირებით მიეწოდა სასაქონლო ნიშნისა და საქონლის მფლობელ ორგანიზაციებს.

07.06.13