ქუთაისში, პარლამენტის შენობის ნაწილში ჭერი ჩამოინგრა. შენობის ნული სართულის ერთ-ერთ მონაკვეთზე, ჭერის ჩამონგრევის მიზეზი სახანძრო მილის დაზიანება გახდა. პარლამენტის აპარატის უფროს ზურაბ მარაქველიძის ინფორმაციით, წყლის ძლიერ ნაკადს კედელმა ვერ გაუძლო და ნაწილობრივ ჩამოიშალა.
ფლიგელში, სადაც შემთხვევა მოხდა, განთავსებულია გარემოს დაცვის, დარგობრივი ეკონომიკის, ჯანდაცვისა და იურიდიულ საკითხთა კომიტეტების თავმჯდომარეების სამუშაო ოთახები.
მათ კაბინეტებში შესვლა დროებით ალტერნატიული გზით მოუწევთ. ვითარებას ადგილზე გვიან ღამით პარლამენტის თავმჯდომარე დავით უსუფაშვილი გაეცნო.
11.06.13
Discussion about this post