ბოლო წლებში ქვეყანაში სიღარიბის მაჩვენებლის შემცირების მიუხედავად, საქართველო სიღარიბის მაჩვენებლით ცენტრალური და აღმოსავლეთ ევროპისა და დსთ-ს ქვეყნებს შორის პირველ ადგილზეა.
საქართველოში იუნისეფის ბოლო კვლევის მიხედვით (2012) ბავშვთა სიღარიბის შემცირების შესახებ, აჩვენებს, რომ მიუხედავად იმისა, რომ 2009-2011 წლებში საქართველოში სიღარიბე შემცირდა, სიღარიბის შემცირების დონე მანც არ შეესაბამებოდა ეკონომიკის სწრაფ ზრდას.
საქართველოს უთანასწორობისა და სიღარიბის მაჩვენებლები ერთ-ერთი ყველაზე მაღალია ცენტრალური და აღმოსავლეთ ევროპისა და დსთ-ს ქვეყნების რეგიონში.
კვლევამ აჩვენა, რომ 77 ათასი ბავშვი დღეში 2 ლარზე ნაკლებს მოიხმარს, ხოლო 205 ათასი ბავშვი – 3 ლარზე ნაკლებს.
არსებობს ასევე რეკომენდაციები, რომელიც ბავშვთა სიღარიბეს შეამცირებს. ერთ-ერთი ასეთი რეკომენდაციით, იუნისეფის გამოთვლების შედეგების თანახმად, თუ მთავრობა მიზნობრივ სოციალურ ფულად დახმარებას 50 პროცენტით გაზრდის, ბავშვთა უკიდურესი სიღარიბე 9,4-დან 6,6 პროცენტამდე, ხოლო ბავშვთა ფარდობითი სიღარიბე 25-დან 21%-მდე შემცირდება. ასევე, თუ მთავრობა მიზნობრივ სოციალურ ფულად დახმარებას 100%-ით გაზრდის, უკიდურესი სიღარიბე 9,4- დან 6 %-მდე, ბავშვთა ფარდობითი სიღარიბე კი 25-დან 18%-მდე შემცირდება.
ნეიროფსიქოლოგიასა და ბავშვთა განვითარების სფეროში გლობალურად ჩატარებული კვლევების თანახმად, ბავშვთა ადრეული ასაკი, ჩასახვიდან დაწყებული, წარმოადგენს საფუძველს მთელი სიცოცხლის მანძილზე ჯანმრთელობის, კეთილდღეობისა და პროდუქტიულობისათვის.
“ადრეულ ასაკში ბავშვთა სიცოცხლესა და განვითარებაში ინვესტირება არის ერთ-ერთი ყველაზე ეფექტიანი ერის ადამიანური კაპიტალის გაზრდის, სიღარიბის შემცირებისა და უთანასწორობის აღკვეთისთვის. ის, თუ როგორ ვეპყრობით მცირეწლოვან ბავშვებს, განაპირობებს არა მხოლოდ მათ ცხოვრებას, არამედ ჩვენი საზოგადოების მომავლისაც,”- ნათქვამია იმ დეკლარაციაში და 2013-2015 წლების სამოქმედო გეგმაში, რომელიც უნისეფმა, საქართველოს მთავრობამ და პარლამენტმა მოამზადეს.
ადრეულ ასაკში ბავშვთა სიცოცხლისა და განვითარების ეროვნულ გეგმასა და კონკრეტულ სტრატეგიაზე, რომელიც საქართველომ 2015 წლამდე უნდა განახორციელოს, კონფერენცია დღეს, 11 ივნისს სასტუმრო რედისონში მიმდინარეობს, რომელიც გაეროს ბავშვთა ფონდის (იუნსეფის), საქართველოს პარლამენტისა და მთვრობის მიერ არის ორგანიზებული.
დღესვე კონფერენციის მონაწილეებმა უნდა აიღონ ვალდებულება, რომ საქართველოს განვითარების სტრატეგიაში პრიორიტეტი მიენიჭოს ადრეულ ასაკში ბავშვთა სიცოცხლესა და განვითარებას.
შესაბამისად, უახლოესი დღეების განმავლობაში შეიქმნება სამუშაო ჯგუფი, რომლის შემადგენლობაშიც სამთავრობო და არასამთავრობო ორგანიზაციის წარმომადგენლები შევლენ და გაწერენ კონკრეტულ ნაბიჯებს საქართველოში ადრეულ ასაკში ბავშვთა სიცოცხლისა და განვითარების საკითხებზე.
12.06.13
Discussion about this post