საგანგაშო პრეცენდენტი: ილიას სახელმწიფო უნივერსიტეტში სტუდენტთა აკადემიური შეფასება ფეისბუქსზე მოზიდული „ლაიქების“ მიხედვით ხორციელდება

ილაუნის ბიზნესის ფაკულტეტზე  დეკანის მითითებით, ბაკალავრიატის საფეხურზე მარკეტინგის სასწავლო დისციპლინაში სტუდენტებს ჯამური 100 ქულიანი შეფასებიდან 24 ქულას სპეციალურად შექმნილ ფეისბუქის გვერდებზე მოზიდული ე.წ. „ლაიქების“ რაოდენობის მიხედვით უწერენ, ამის შესახებ ილიას სახელმწიფო უნივერსიტეტის სტუდენტებმა განაცხადეს. შეფასების აღნიშნული სისტემა წინააღმდეგობაში მოდის უმაღლესი განათლების მარეგულირებელ იურიდიულ ნორმებთან. გარდა ამისა, იგი არ შეესაბამება მარკეტინგის სასწავლო დისციპლინის სილაბუსის კრიტერიუმებს. დეკანის მითითება ლექტორებმა უკვე სისრულეში მოიყვანეს და სტუდენტთა დიდ ნაწილს უკვე მიეცა შესაბამისი შეფასებები მოზიდული „ლაიქების“ მიხედვით. როგორც ირკვევა, მაქსიმალურ კუთრ შეფასებას , ანუ 24 ქულას ის სტუდენტი იღებს, რომელიც 10 000 ლაიქს მოიზიდავს ფეისბუქზე. აღსანიშნავია, ისიც, რომ სტუდენტს ინტერნეტ ბაზარზე თავისუფლად შეუძლია,  შეიძინოს 10 000 ლაიქი სულ რაღაც 50–100 ლარად. სტუდენტთა შეფასებით, მსგავსი ნორმატიული და დისციპლინარული დარღვევები ფაკულტეტზე მრავლადაა, „სად იყო ამდენ ხანს განათლების სამინისტრო, რატომ არ ახდენდა შესაბამის რეაგირებას“ – აცხადებენ ილიაუნის სტუდენტები. 12.06.13