ერდოღანის რეაგირება ქვეყანაში საპროტესტო აქციების მიმართ, პუტინთან სახიფათო პარალელებზე მეტყველებს.
ამის შესახებ გავლენიანი ბრიტანული გამოცემა The Guardian წერს.
„როცა ის არჩევნის წინ დადგა, შევიდეს დიალოგში ახალ სამოქალაქო მოძრაობასთან თუ დაარბიოს იგი, ერდოღანი წავიდა მეორე გზით. რა თქმა უნდა, მისი რეაქცია მოქალაქეების გამოსვლებზე, მეტყველებს სახიფათო პარალელებზე სხვა ავტოკრატულ ლიდერთან, რომელიც სულ ცოტა ხნის წინ რთულ სიტუაციაში მოხვდა, – ვლადიმირ პუტინთან“,–ნათქვამია სტატიაში.
გამოცემა ერდოღანის მიერ აქციის დაშლის გადაწყვეტილებაზე წერს, რომ დემონსტრანტების დაშლა სწორედ იმის შემდეგ მოხდა, რაც ქვეყანა ევროკავშირის წარმომადგენლებმა დატოვეს.
„პარასკევს ერდოღანი სტამბოლში ევროკავშირის კონფერენციას მართავდა. მაშინ ამბობდნენ, რომ როგორც კი ევროკავშირის წარმომადგენლები თურქეთს დატოვებენ, პოლიცია დემონსტრანტებს ტაქსიმის მოედნიდან გააძევებს. ასეც მოხდა, დილიდან, ძალის გამოყენებით, რეზინის ტყვიებით და ცრემლსადენი გაზით პოლიციამ ეს მოახერხა“,–წერს სტატიის ავტორი.
შეგახსენებთ, თურქეთში ანტისახელმწიფოებრივი დემონსტრაციები მე–13 დღეა მიმდინარეობს. აქციის მონაწილეები, ქვეყნის უმსხვილესი ქალაქების მასშტაბით, ქვეყნის პრემიერ–მინისტრის გადაყენებას ითხოვენ.
18.06.13
Discussion about this post