ხვალ წიგნის კითხვისადმი მიძღვნილი სეზონის დასკვნითი ღონისძიება გაიმართება

ხვალ  11:30სთ–ზე, წიგნის სახლში (ბახტრიონის ქ. 11 ბ) ახალგაზრდული მოძრაობა დავითიანნი და ინტელექტუალური კლუბი ,,წიგნის მეგობრები” წიგნის კითხვისადმი მიძღვნილ სეზონის დასკვნით ღონისძიებას გამართავენ.

 როგორც დავითიანიდან „თბილისი თაიმსს“ განუცხადეს, 12:00სთ–ზე ღონისძიებაზე მობრძანდება სრულიად საქართველოს კათოლიკოს-პატრიარქი ილია II.

მათთივე ინფორმაციით, ხვალინდელი დღე მიეძღვნება სულხან-საბა ორბელიანის შემოქმედებას.

სულხან-საბას ეპოქას, შემოქმედებასა და ცხოვრებას, დამსწრე საზოგადოებასთან ერთად, განიხილავენ მოწვეული სტუმრები: ისტორიკოსი ზაზა აბაშიძე, ფილოლოგიის აკადემიური დოქტორები ასმათ ჯიქია და დოდო ღლონტი.

ღონისძიებას დაესწრებიან თბილისის სხვადასხვა ბიბლიოთეკის წარმომადგენლები, პედაგოგები და ყველა ის საზოგადო მოღვაწე, ვინც ჩართული იყო ამ პროექტში.

„წიგნის კითხვისადმი მიძღვნილ ღონისძიებას უერთდება ბაკურ სულაკაურის გამომცემლობა, პალიტრა L და არტანუჯი, ისინი მთელი შაბათი დღის განმავლობაში, ,,წიგნის სახლში” სულხან-საბა ორბელიანის წიგნებზე, 20%-იან ფასდაკლებას გააკეთებენ,“- აცხადებენ დავითთიანში.

წიგნის კითხვისადმი მიძღვნილი ღონისძიებები ოქტომბრიდან კვლავ განახლდება. ზაფხულის განმავლობაში კი, ,,წიგნის მეგობრები”  რეგიონებს ეწვევიან, – აღნიშნავენ დავითთიანში.

05.07.13