საბერძნეთის დედაქალაქ ათენში პოლიცია გაიფიცა და პროტესტის ნიშნად ქალაქის ცენტრალური გზები გადაკეტა. ქვეყანაში უკვე მესამე დღეა საპროტესტო დემონსტრაციები მიმდინარეობს.
მოსახლეობა საერთაშორისო ინსტიტუტების მიერ წამოყენებულ პირობებებს აპროტესტებს, რომელთა თანახმადაც ქვეყანამ ათასობით საჯარო მოხელე სამსახურიდან უნდა დაითხოვოს მასტიმულირებელი პაკეტით გათვალისწინებული დამატებითი თანხების მისაღებად.
სახელმწიფო დანახარჯების მორიგ შემცირებას პარლამენტმა კენჭი კვირის ბოლოს უნდა უყაროს.
ევროპის ცენტრალურმა ბანკმა, მეზობელმა ქვეყნებმა და საერთაშორისო სავალუტო ფონდმა გადაწყვიტეს საბერძნეთს 9 მილიარდი დოლარი ასესხონ. თუმცა, ამ თანხის გამოყოფა მხოლოდ იმ შემთხვევაში მოხდება, თუ მთავრობა 15 ათას სახელმწიფო მოხელეს სამსახურიდან გაათავისუფლებს 2014 წლის ბოლომდე და დაახლოებით 12 500-ს კი წლის ბოლომდე.
16.07.13
Discussion about this post