იტალიის ყოფილი პრემიერ-მინისტრი, სენატორი სილვიო ბერლუსკონი დარწმუნებულია, რომ ქვეყნის უზენაისი სასამართლო მას გაამართლებს, ჯგუფი Mediaset-ის ფინანსურ თაღლითობებთან დაკავშირებით. მიუხედავად ამისა, ის მზად არის წინააღმდეგ შემთხვევაში ციხეში ჩაჯდეს.
“მიუხედავად ყველაფრისა, დარწმუნებული ვარ, რომ უზენაისი სასამართლო, სამშაბათს გამამართლებს. მაგრამ თუ ეს არ მოხდა, მე არ ვიქნები გადასახლებული როგორც კრაკსი”, – აღნიშნა ბერლუსკონიმ.
ბეტინო კრაკსი (იტალიის პრემიერ-მინისტრი 1983-1987) 1994 წელს ტუნისში გაიქცა რათა კორუფციის ბრალდებით დაპატიმრება თავიდან აეცილებინა. ის 2000წელს ტუნისშივე გარდაიცვალა.
“მე არ ვეთანხმები გამოსასწორებელ მუშაობებს. არ ვარ პატიმარი, რომელიც თავიდან აღზრდას საჭიროებს. თითქმის 78 წლის ვარ, მაქვს უფლება საშინაო დაპატიმრებაზე. ამის მიუხედავად, თუ სასამაღტლო დაადგენს ჩემს ციხეში ჩაჯდომას, მე ამას მივიღებ”, – განაცხადა პოლიტიკოსმა.
ჯგუფი Mediaset-ის საქმე, ბერლუსკონის შემთხვევაში ერთ-ერთი ყველაზე გახმაურებულია.
2012 წლის ოქტომბერში მილანის სასამართლომ ბერლუსკონის პატიმრობის 4 წელი მიუსაჯა. ამის მიუხედავად, ბერლუსკონის პატიმრობის ვადა ერთ წლამდე შეუმცირდა, 2006 წელს მიღებული შეწყალების კანონის დაყრდნობით. მაისის თვეში მიღებული გადაწყვეტილებით, ბერლუსკონის 5 წლის განმავლობაში უფლება არააქვს ხელისიფლების მოხელედ იმუშავოს.
იტალიის უზენაისი სასამართლო 30 ივლისს ბერლუსკონის საქმესთან დაკავშირებით საბოლოო გადაწყვეტილებას მიიღებს. გადაწყვეტილების მიხედვით გაირჩევა წავა თუ არა ბერლუსკონი პოლიტიკიდან.ბერლუსკონი დაახლოებით 50 საქმეში არის ნახსენები.
29.o7.13
ბელა არუთინოვი
Discussion about this post