„მინისტრის სავარძელი არ არის ერთადერთი,საიდანაც შეიძლება განათლებას მიხედო. თუმცა ამ კონკრეტულ ადგილზე დარწმუნებული ვარ 4 თვეზე მეტი მუშაობა მომიწევს. ჩვენ ვაპირებთ გავხსნათ დებატი და მოვისმინოთ კრიტიკა“. საჯარო სამსახურში დაბრუნების გადაწყვეტიელბაზე, განათლების სისტემის ხარვეზებზე და დაგეგმილ ცვლილებებზე განათლების ინისტრმა ალექსანდრე ჯეჯელავამ ტელეკომპანია „იმედის“ ეთეში, გადაცემა „პოლიტიკაში“ ისაუბრა.
„საჯარო სამსახურში მუშაობასთან შეგუება რთულია. პოლიტიკა როგორც არ მიზიდავდა, ასევე არ მიზიდავს ახლაც. თუმცა ძალიან მიზიდავს განათლება და მედარდება. ჩემი დათანხმების გასაღებიც აქ არის.
ჩვენნაირ ქვეყნებს,რომლებსაც უნდათ მოწინავე სისტემების აშენება, უნდა ჰქონდეთ უკეთესი განათლების სისტემა, ვიდრე განვითარებულ ქვეყნებს. ისინი უკვე განვითარდნენ და ჩვენ უნდა დავეწიოთ. სახელმწიფო სამსახურში ეშინიათ საზოგადოებისთვის კითხვების დასმა, რადგან ეშინიათ კრიტიკული პასუხების. ერთ-ერთი სუსტი მხარე არის ინფორმირებულობა. არც ერთ საინფორმაციო პორტალზე ცალკე რუბრიკა არ ეთმობა განათლებას.
საჭიროა საზოგადოების მთლიანი დეპოლიტიზაცია. ბავშვები ისევე უნდა დავიცვათ პოლიტიკური გავლენებისგან,როგორც დიდები. ამ თემის გასაღებიც არის განათლება. ამ საზოგადოებაში ასევე ვერ ავცდებით რელიგიის საკითხებზე საუბარს. ჩვენ უნდა მოვახერხოთ რელიგიის სწავლება იმ გარანტიებით,რომ არ გამოვიწვიოთ დისკრიმინაცია. პირველი შემთხვევაა,როდესაც ეროვნული სასწავლო პროგრამის შესახებ ჩატარდა დებატი და საკუთარი აზრი გამოთქვა 50000-მდე ადამიანმა.
საგანი „მე და საზოგადოება“ და მის გარშემო არსებული ხმაური არის არასწორი კომუნიკაციის შედეგი. მისი განხილვა უნდა მოხდეს საჯაროდ. ადრე გვქონდა მაგალითები, რომ ჯერ დაამტკიცებდნენ და შემდეგ მიმდინარეობდა განხილვა. არაფერი „ამისთანა“ ამ წიგნში არ წერია. თუმცა ისეთი წიგი,რომელიც აბსოლუტურად ყველას მოეწონება, არ არსებობს“.
ალექსანდრე ჯეჯელავამ, როგორც გამოცდილმა ტრენერმა, თვალსაჩინო დაფაზე ჩამოწერა ქართული განათლების სისტემის ძლიერი და სუსტი მხარეები. საკითხები შეაფასა ქულებით და შემაჯამებელი დასკვნაც გააკეთა.
„ძლიერი მხარე არის ქართველი ხალხის დაუძლეველი ლტოლვა ცოდნისკენ, ეს არის განათლების მიღების სურვილი. ეროვნული გამოცდები აუცილებლად მიეკუთვნება ძლიერ მხარეს. ზოგადად მნიშვნელოვანია შეფასებისა და გამოცდების ეროვნული ცენტრი და მათი მუშაობა. დადებითი მხარეა ის ფაქტი,რომ მინისტრი იცვლება, თუმცა ძველი გუნდი არა.
კვალიფიკაცია რა თქმა უნდა არის გამოწვევა. თუმცა მნიშვნელოვანია გაზომვის სისტემა. რაღაცებში ჩვენი მასწავლებლები არიან ძალიან მაგრები. რაღაცებში კი ბევრი გავქვს სამუშაო. მე ვფიქრობ სუსტი მხარე არის დროის მოთხოვნებთან შესაბამისობა. ბევრი სამუშაოა მასწავლების პროფესიის აღქმასთან დაკავშირებით. სისუსტედ შეგვიძლია აღვიქვათ ასევე ტექნოლოგიების არასაკმარისი გამოყენება. ჩვენნაირ ქვეყანაში 2016 წლის განათლების სისტემაში ტექნოლოგიები უნდა იყოს უფრო მაღალ დონეზე.
საბოოოდ, ჩვენს განათლების სისტემას მეტი აქვს უპირატესობა, ვიდრე ხარვეზი,“ – განაცხადა ალექსანდრე ჯეჯელავამ.
მანანა ღოღობერიძე