სგპ “გეგუთზე” ბელორუსის მოქალაქეს არადეკლარირებული ოქროს ნივთები აღმოაჩნდა

შემოსავლების სამსახურის ინფორმაციით, საბაჟო გამშვებ პუნქტ „გუგუთზე“  სომხეთის მხრიდან  ბელორუსის მოქალაქე ი.ზ. შემოვიდა. საბაჟო პროცედურების გავლისას, მოქალაქეს აღმოაჩნდა არადეკლარირებული  ოქროს ნივთები, კერძოდ:  ბეჭედი – 3 ცალი,  ჯვარი – 2 ცალი,  სამაჯური – 1 ცალი, საყურე – 1 წყვილი, გულსაბნევი – 2 ცალი, ყელსაბამი – 1 ცალი, კულონი – 1 ცალი; საერთო წონით 81,09 გრამი. არადეკლარირებული ოქროს ნივთების საერთო ღირებულებამ  3692,29 ლარი  შეადგინა.

აღნიშნული სამართალდარღვევის გამო ბელორუსიის მოქალაქე ი.ზ. -ს საგადასახადო  კოდექსის 289-ე მუხლის მე-10  ნაწილის  თანახმად, სანქციის სახით შეეფარდა ჯარიმა 3692,29  ლარის ოდენობით.

21.08.13