სურსათის ეროვნული სააგენტოს წარმომადგენლებმა, გეგმური ინსპექტირებისას, კომპანია “ბარამბოს” საწყობიდან 25-ლიტრიანი 48 კასრი დანიური წარმოების არომატიზატორი (საკვებდანამატი) ამოიღეს, რომელიც ფართოდ გამოიყენება ნაყინის წარმოებაში.
სურსათის ეროვნული სამსახურის ინფორმაციით, აღნიშნული პროდუქცია ვადაგასული იყო. ვარგისიანობის ვადა 2011 წელს ამოეწურა და კანონმდებლობის შესაბამისად, განადგურებას ექვემდებარება.
სააგენტოს უფლებამოსილმა პირებმა ამოღებული პროდუქცია დალუქეს და უახლოეს დღეებში გაანადგურებენ.
სურსათის ეროვნული სააგენტოს წარმომადგენლები განაგრძობენ გეგმურ და არაგეგმურ ინსპექტირებას მთელი ქვეყნის მასშტაბით.
22.08.13
Discussion about this post