თეთრი სახლიდან გავრცელებული ინფორმაციებით აშშ-ს პრეზიდენტი ბარაკ ობამა, სირიაში ქიმიური იარაღის გამოყენების საკითხს ევროპელ ლიდერებთანაც განიხილავს, თუმცა მანამდე ობამამ ჯერ თავისი ეროვნული უშიშროების ჯგუფი შეკრიბა და მათთან დასრულებული შეხვედრის შემდეგ დაიწყო თავისი პოზიციის გაზიარება დასავლეთ ლიდერებთან.
ამ მიზნით იგი ჯერ ინგლისის პრემიერს კამერონს ესაუბრა ტელეფონით, გუშინ კი ფრანგ კოლეგა ფრანსუა ოლანდს დაუკავშირდა და შეშფოთება გამოთქვეს 21 აგვისტოს სირიაში მშვიდობიანი მოქალაქეების წინააღმდეგ გამოყენებული ქიმიური იარაღის გამო და ამასთან ერთად სირიის წინააღმდეგ შესაძლო გადასადგმელ ნაბიჯებზეც გაამახვილა ყურადღება.
ლიდერები შეთანხმდნენ რომ ამ საკითხში გააგრძელონ აქტიური კონსულტაციები, იტყობინებიან თეთრი სახლიდან.
27.08.13
