საქართველოში ამინდის მოსალოდნელი გაუარესების შემთხვევაში 112-ი განსაკუთრებულ რეჟიმში იმუშავებს

საქართველოში ამინდის მოსალოდნელი გაუარესების შესახებ საქართველოს შინაგან საქმეთა სამინისტროს, სსიპ “112”-ის დეპარტამენტი განცხადებას ავრცელებს.

“112”-ის ცნობით, საქართველოში სინოპტიკოსები 4 სექტემბრის დღის მეორე ნახევრიდან, 5 სექტემბრის ჩათვლით საქართველოს ტერიტორიაზე ამინდის მკვეთრ გაუარესებას პროგნოზირებენ.

“მთელი ამ პერიოდის განმავლობაში შინაგან საქმეთა სამინისტროს “112”-ის დეპარტამენტი სრულ მზადყოფნაშია იმუშავოს განსაკუთრებულ რეჟიმში, რათა “112”-ის სადისპეტჩერომ ოპერატიულად მიიღოს და განახორციელოს ზარების დროული დისპეტჩერიზაცია, საქართველოს მოსახლეობისთვის დროული დახმარების აღმოჩენის მიზნით”, – ნათქვამია “112”-ის მიერ გავრცელებულ განცხადებაში.

03.09.13