ბლიც-გამოკითხვა: უნივერსიტეტებში მოთხოვნადი ფაკულტეტები და ჩარიცხული სტუდენტების რაოდენობა

,,თბილისი თაიმსის’’ მორიგი ბლიც გამოკითხვით გაირკვა, რომ მიმდინარე წელს ყველაზე მოთხოვნად ფაკულტეტებს კვლავ წარმოადგენს – ეკონომიკისა და ბიზნესის, სამართალმცოდნეობის და სოციალურ მეცნიერებათა ფაკულტეტები.

თუმცა  გამოკითხული უნივერსიტეტების განცხადებით, განათლებისა და მეცნიერების სამინისტროს გადაწყვეტილებამ  ბაკალავრიატის რამდენიმე  წამყვანი მიმართულების  – 14  სპეციალობაზე  სტუდენთა  სწავლის  სრული  კურსის დაფინანსების შესახებ, კიდევ უფრო გაზარდა მოთხოვნა ზუსტ და საბუნებისმეტყველო მიმართულებებზე.

„თბილისი თაიმსის“ მიერ გამოიკითხა 5 უნივერსიტეტი:  ,,ივავნე ჯავახიშვილის სახელობის თბილისის სახელმწიფო უნივერსიტეტი’’, ,,ილიას სახელმწიფო უნივერსიტეტი’’, ,,ქართულ-ამერიკული უნივერსიტეტი’’, ,,კავკასიის უნივერსიტეტი’’, ,,თბილისის სასწავლო უნივერსიტეტი ,,გორგასალი’’.

აქედან 2 სასწავლებელს- ,,ქართულ-ამერიკული უნივერსიტეტს’’ და ,,კავკასიის უნივერსიტეტს’’,   ამ ეტაპზე უჭირს ჩარიცხული სტუდენტების რაოდენობაზე საუბარი, ვინაიდან მეორადი ჩარიცხვის პროგრამა გამოცხადდა.

რაც შეეხება დანარჩენ 3 სასწავლებელს, თბილისის სახელმწიფო უნივერსიტეტში აცხადებენ, რომ წელს ერთიანი ეროვნული გამოცდების შედეგად – 5185 აბიტურიენტი ჩაირიცხა, წინა წელს კი მისაღები კონტიგენტი  – 4550 სტუდენტი იყო.

ილიას სახელმწიფო უნივერსიტეტის წარმომადგენელმა კი აღნიშნა, რომ ამ სასწავლო წელს აბიტურიენტების მიღების რაოდენობა გაიზარდა და მიიღეს 3378 ადამიანი.

,,გორგასალი-ს’’ უნივერსიტეტში აცხადებენ, რომ , წინა წელთან შედარებით მაჩვენებელი არ შეიცვალა და კვლავ 600 ადამიანი ჩაირიცხა.

გამოკითხულ ხუთივე სასწავლო დაწესებულებაში მიმდინარე სასწავლო წელს სიახლე იგეგმება.

თსუ-ში აცხადებენ, რომ უნივერსიტეტში უმაღლესი სამაგისტრო სკოლის შექმნა არის  დაგეგმილი, რომელიც სტუდენტს უნივერსიტეტში სამაგისტრო სწავლების პერიოდის შერჩევასა და დაკომპლექტებაში დაეხმარება.

ილიას სახელმწიფო უნივერსიტეტში, კვლავ განხორციელდება სამეცნიერო პიკნიკების პროგრამა, რადგან უნივერსიტეტმა  თბილისის მერიის დაფინანსება მოიპოვა.

კავკასიის უნივერსიტეტის განცხადებით, მათთან მთავარ სიახლეს წარმოადგენს  უახლოეს პერიოდში თანამედროვე ტექნიკით და ინფრასსტრუქტურით აღჭურვილ ახალ  შენობაში გადასვლა.

,,გორგასალი-ს’’ წარმომადგენლის აღნიშვნით, მიმდინარე სასწავლო წელს იგეგმება აკრედიტაციაზე ახალი პროგრამების გატანა.

ქართულ-ამერიკული უნივერსიტეტს უჭირს კონკრეტულ  სამომავლო გემაზე საუბარი თუმცა აცხადებს, რომ  არა ერთი სიახლე იგეგმება.

04.09.13

მარინა ფიდუაშვილი