საქართველოს პარლამენტის ეროვნული ბიბლიოთეკის საკონფერენციო დარბაზში, გაიმართა Doctrina Business Review-ს (DBR) კვლევის პრეზენტაცია თემაზე – „გლობალური კონკურენტუნარიანობის ანგარიში და საქართველო“.
პრეზენტაციის დროს განხილულ საკითხებთან დაკავშირებით საკუთარი მოსაზრება გამოთქვეს სდასუს უნივერსიტეტში ბიზნეს ფაკულტეტის დეკანმა, ექსპერტმა ეკონომიკის საკითხებში აკაკი ცომაიამ და სსიპ კონკურენციისა და სახელმწიფო შესყიდვების სააგენტოს ბაზრის ანალიზის სპეციალისტმა, პროფესორმა სლავა ფეტელავა.მ
სლავა ფეტელავამ, ყურადღება გაამახვილა ანტიმონოპოლიურ საკითხზე. მისი თქმით, ამ პრობლემის მოგვარებისას სახელმწიფომ უნდა გაითვალისწინოს საზოგადოების, არასამთავრობო ორგანიზაციების აზრი. ასევე მნიშვნელოვანია, რომ გაძლიერდეს ანტიმონოპოლიური სამსახური. გაძლიერება არ ნიშნავს ვინმეს დასჯას, არამედ საუბარია სამსახურისთვის მინიჭებული ფუნქციების სრულყოფაზე.
„ანტიმონოპოლიური სამსახური უნდა იყოს ორგანო, რომელიც აწარმოებს ანალიტიკურ საქმიანობას, მისცემს რეკომენდაციებს, კონსულტაციებს მეწარმეებს, რაც დაიცავს მათ უფლებებს და ამის შედეგად უფრო ეფექტური იქნება სამეწარმეო საქმიანობა“, – განაცხადა ფეტელავამ.
მისივეთქმით, ანტიმონოპოლიური სამსახურის გაძლიერება, ხელს შეუწყობს ბაზრის გაჯანსაღებას, მაგრამ საზოგადოებას არ უნდა გაუჩნდეს იმის მოლოდინი, რომ მოხდება ბაზარზე არსებული ფასების შეცვლა, ვინაიდან აღნიშნული საკითხს არეგულირებენ თვითონ მეწარმეები და არა ანტიმონოპოლიური სამსახური.
აკაკი ცომაიას თქმით, საქართველოში არსებული ვითარებიდან გამომდინარე, საჭიროა განათლების ხარისხზე გაკეთდეს აქცენტი. იმისათვის, რომ საქართველო გახდეს კონკურენტუნარიანი, უნდა შეიქმნას მაღალი დონის ტექნოლოგიები. რასაკვირველია, ეს ვერ მოხდება, თუ განათლების საკითხს და უპირველესყოვლისა საბუნებისმეტყველო მეცნიერებას არ მიექცევა სათანადო ყურადება. აღნიშნულის არ გათვალისწინების შემთხვევაში, ეკონომიკის გაუმჯობესებაზე რთული იქნება საუბარი.
,,რა თქმა უნდა მნიშვნელოვანია ანტიმონოპოლიური საკითხების გადაწყვეტაც. თუმცა აღნიშნული საკითხი ქვეყნის ეკონომიკაზე რადიკალურ გავლენას არ ახდენს,’’- აცხადებს ცომაია.
მისივე თქმით, განათლების საკითხის მოგვარებას სჭირდება დრო, თუმცა შესაძლოა უახლოეს მომავალში ტაქტიკის შემუშავება, თუ რა ღონისძიებები შეიძლება ჩატარდეს, მათ შორის ინფრასტრუქტუსის, ლაბორატორიების გაუმჯობესება.
როგორც DBR -ში აცახადებენ, ღონისძიების მიზანი იყო:
- წარმოაჩინოს საქართველოს კონკურენტუნარიანობის შემაფერხებელი ფაქტორები.
- შესთავაზოს საზოგადოებას ვითარების კრიტიკული ანალიზი.
- წარმოადგინოს რეკომენდაციები ქვეყნის კონკურენტუნარიანობის მნიშვნელოვანი გაუმჯობესებისათვის.
„გლობალური კონკურენტუნარიანობის ანგარიშში“ წარმოდგენილია „გლობალური კონკურენტუნარიანობის ინდექსი“, რომელიც მსოფლოს 148 სახელმწიფოს რეიტინგს მოიცავს. საქართველო რეიტინგში 148 ქვეყნიდან 72 ადგილზე გავიდა, აღსანიშნავია, რომ იგი გასულ წელს 77–ე პოზიციაზე იყო, თუმცა კვლევა 144 ქვეყანას მოიცავდა. გლობალური კონკურენტუნარიანობის ინდექსი მრავალ პარამეტრს და ინდიკატორს მოიცავს, რომლებიც თავის მხრივ სხვადასხვა რეიტინგების წარმოების საშუალებას იძლევა.
პრეზენტაციაზე აღინიშნა, რომ რეიტინგში საქართველოს ყველაზე ცუდი შედეგები დაუფიქსირდა შემდეგი მიმართულებით:
- საკუთრების უფლების დაცვა –120–ე ადგილი
- ინტელექტუალური საკუთერების დაცვა–124 –ე ადგილი
- უმცირესობაში მყოფი აქციონერების ინტერესების დაცვა – 125 –ე ადგილი
- კვლევითი და სატრეინინგო მომსახურებების ხელმისაწვდომლობა – 130 ადგილი
- ადგილობრივი კონკურენციის ინტენსივობა – 123 ადგილი
- ანტი–მონოპოლიური პოლიტიკის ეფექტურობა – 138 ადგილი
გარდა ზემოთჩამოთვლილი მაჩვენებლებისა საქართველოს კიდევ ბევრ ინდიკატორში აღენიშნება მნიშვნელოვანი ჩავარდნა, რაც საბოლოო ჯამში უაღრესად კრიტიკული და საგულისხმო დასკვნების გამოტანის საშუალებას იძლევა, აღნიშნავენ DBR-ში.
ცნობისთვის, Doctrina Business Review (DBR) – წარმოადგენს ახალგაზრდა ანალიტიკოსთა და მეცნიერთა დარბაზის „DOCTRINA”-ს ეკონომიკისა და ბიზნესის კვლევებისა და კონსულტაციების ცენტრს, რომელიც ატარებს კვლევებს მიკრო-მაკრო ეკონომიკისა და ბიზნესის სფეროში.
12.09.13
მარინა ფიდუაშვილი
Discussion about this post