18-19 ივნისს, საქართველოს საგარეო საქმეთა მინისტრი მიხეილ ჯანელიძე სამუშაო ვიზიტით ლუქსემბურგს ეწვევა, სადაც მონაწილეობას მიიღებს აღმოსავლეთ პარტნიორობის მინისტერიალში. ღონისძიების ფარგლებში დაგეგმილია მიხეილ ჯანელიძის სიტყვით გამოსვლა.
მინისტერიალის ფარგლებში, საგარეო საქმეთა მინისტრი ორმხრივ შეხვედრებს გამართავს კოლეგა მინისტრებთან. ლუქსემბურგის აღმოსავლეთ პარტნიორობის მინისტერიალის ფარგლებში გაიმართება საქართველოს მეგობართა ჯგუფის ქვეყნების საგარეო საქმეთა მინისტრების არაფორმალური შეხვედრა საქმიანი საუზმის ფორმატში, რა დროსაც საქართველოს საგარეო საქმეთა მინისტრი კოლეგებს გააცნობს საქართველოს ევროპული ინტეგრაციის დღის წესრიგს. მინისტერიალის ფარგლებში მიხეილ ჯანელიძე დაესწრება ევროკავშირის უმაღლესი წარმომადგენელის საგარეო და უსაფრთხოების პოლიტიკის საკითხებში, ევროკომისიის ვიცე-პრეზიდენტის ფედერიკა მოგერინის სახელით გამართულ ვახშამს.
Discussion about this post