„ამ საკითხზე მსჯელობა დაგვიანებულია. კონსტიტუციური მონარქიის აღდგენაზე შეიძლება გვესაუბრა მაშინ,როდესაც პირველ სახელმწიფოს ვაყალიბებდით, 1918-21 წლებში“. ამის შესახებ კონსტიტუციონალისტმა კოტე ჩოკორაიამ ტელეკომპანია „იმედზე“, გადაცემა „ქრონიკის“ ეთერში ისაუბრა.
„დღეს,როდესაც გვაქვს მეორე რესპუბლიკა, დამოუკიდებელი რესპუბლიკური მმართველობის გამოცდილება, მონარქიის აღდგენა დაგვიანებული პროცესია. ნებისმიერი პოლიტიკური ინსტიტუტი უნდა ემსახურებოდეს კონკრეტულ ამოცანას, ეს არის ძალთა ბალანსი, ძალაუფლების გადანაწილება. სადაც არ არის ძლიერი პოლიტიკური პარტიები, ორპალატიანი პარლამენტი, კიდევ გაუგებარი ინსტიტუტის შემოტანა,რომელიც მხოლოდ ფორმალურ ხასიათს შეიძენს, არასწორია.
პრეზიდენტის ირიბი არჩევის წესით, ძლიერი იქნება საპარლამენტო ხელისუფლება,რომელიც დააკომპლექტებს მთავრობას, შემდეგ სასამართლო ხელისუფლებას და შეიქმნება ერთპიროვნული ძალაუფლების რისკები. მონარქიის შემთხვევაში არ გვეყოლება სახელმწიფოს მეთაურის ინსტიტუტი. არ მგონია რომ დღეს ასეთი ნაბიჯების გადადგმა იყოს სწორი. არამგონია თეოკრატიის საფრთხე იყოს, მაგრამ მეტი დატვირთვა ექნება ეკლესიას სახელმწიფოს ცხოვრებაში. ეს სისტემა დამაზარალებელი იქნება როგორც ეკლესიის, ასევე სახელმწიფოსთვის“ , – განაცხადა კოტე ჩოკორაიამ.
მანანა ღოღობერიძე
Discussion about this post