საქართველოს ტურიზმის ეროვნული ადმიანისტრაციის, მთვარ მიზანს შიდა ტურიზმის განვითარება, ტურისტული ადგილების, ინფრასტრუქტურისა და ტურიზმის სფეროში ადამიანური რესურსების მობილიზება წარმოადგენს. ზემოთხსენებული ფაქტი ნათლად გამოკვეთს ეკონომიკის ზრდაში შიდა ტურიზმის როლს. საქართველოში არაერთი ტურისტული კომპანია არსებობს, რომელიც ქვეყნის ფარგლებში ტურებს აწყობს.
„თბილისი თაიმსი“ საკუთარ მკითხველს ექსკლუზიურად სთავაზობს შიდა ტურისტული კომპანიების მიდგომებს: ტურის სპეციფიკა, ფასები, ხარისხი და გამოცდილება. მათ, ვინც ცხელი ზაფხული ქალაქში უნდა გაატარონ, შეუძლიათ, მცირეხნიანი დასვენებისთვის აღმოაჩინონ სეზონის ყველაზე პოპულარული ტურები და გაიგონ რა ფასად შეძლებენ მაქსიმალურად კომფორტულ, შთაბეჭდილებებით აღსავსე და სასიამოვნო დასვენებას ქვეყნის ფარგლებში. გარდა ამისა, თქვენ დეტალურად შეიტყობთ შიდა ტურიზმის ამჟამინდელ გამოწვევებსა და სამომავლო პერსპექტივებზე.
მსოფლიოში დაკარგულები:
”მიმდინარე წელს ყველაზე მეტი ტური რაჭის მიმართულებით მოვაწყვეთ – ნაქერალას უღელტეხილი, შაორის წყალსაცავი, ნიკორწმინდის ტაძარი, უდაბნოს გამოქვაბული, ჭელიშის მონასტერი, ხოტევის ტაძარი, ბარაკონის მონასტერი, ონის სინაგოგა, მაღალმთიანი რაჭა (ღები, უწერა შოვი) , მჟავე წყლები შოვში, ონში. აქვე უნდა აღვნიშნო, რომ რაჭის ტურის ფარგლებში ტურისტები მიგვყავს ცხრაჯვარზე, საფეხმავლო ბილიკებით.
ორდღიანი ტური შემთხვევაში გასათვალისწინებელია როგორია მოთხოვნა, სურთ კარავში დარჩენა, თუ სასტუმროში განთავსება. ერთი ადამიანსთვის კარავში დარჩენის შემთხვევაში ღირებულება 55 ლარს შეადგენს, ხოლო სასტუმროს არჩევის შემთხვევაში – 70 ლარი. (კვების გარეშე. კვების დამატებით თანხა 130 ლარამდე იზრდება).
ვცდილობთ, რომ ერთი და იგივე ტური სეზონზე არ გავიმეოროთ და ჩვენ ადამიანები სხვადასხვა მიმართულებით დაგვყავს. თუმცა საერთო სურათით თუ ვიმსჯელებთ, ყაზბეგი ყველაზე მოთხოვნდია, რადგან ერთდღიანი ტურის ფარგლებშიც შესაძლებელია წასვლა, რაც ვერ ხერხდება სვანეთისა და თუშეთის შემთხვევაში.
პირველ ეტაპზე ჩვენ მიერ მოწყობილ ტურებს ძირითადად პილიგრიმული ხასიათი ჰქონდა, ვინაიდან უმეტესად ვათვალიერებდით ეკლესია–მონასტრებს. მოგვიანებით გადავედით სანახაობრივ გასვლებზე (ხედები, ბუნება, გარემო), შემდეგ ვაწყობდით ლაშქრობებს. ახლა უკვე იმ ეტაპზე ვართ, რომ ნებისმიერი მიმართულებით შეგვიძლია დავგეგმოთ ექსტრემალური ტურები – საჯომარტო ტური, ველოტური, პარაპლანის ტურები, ალპინისტური – კლდეზე ცოცვა და სხვა მრავალფეროვანი ხასიათისა და შინააარსის გასვლითი ტურები.
ყველა ადამიანისთვის, რომელსაც ტურზე სურს წასვლა მნიშვნელოვანია ხარისხი, ამიტომ როდესაც ისინი ამ მხრივ პრობლემებს აწყდებიან, გამოცდილებას იღებენ და შემდეგ ჯერზე ურჩევნიათ, რომ ცოტა მეტი გადაიხადონ და უკეთესი ხარისხი მიიღონ. ძალიან იშვიათდ ხდება ისე, რომ „მსოფლიოში დაკარგულების“ ტური ჩაიშალოს, ან გადაიდოს. ჩვენი დამსახურებაა, რომ მუდამ მაღალი ხარისხის მომსახურების შეთავაზებას ვცდილობთ, შესაბამისად ადამიანებისგან ყოველთვის არსებობს დაინტერესება ჩვენ მიერ მოწყობილ ტურებზე.
ამ ეტაპზე უამრავი კომპანიაა, რომელიც შიდა ტურს საკმაოდ ორგანიზებულად აწყობენ. „მსოფლი დაკარგულების“ პრიორიტეტი, რა თქმა უნდა, არის ხარისხი, მაგრამ მასთან ერთად ორიენტირებული ვართ ადამიანებზე. თუ ვინმეს სურს, რომ ტურზე წამოვიდეს და კონკრეტულ პირობებში არ აქვს საკმარისი მატერიალური რესურსი, აუცილებლად ხელს შევუწყობთ, ადამიანის ინტერესი, სურვილი და მონდომება „მსოფლიოში დაკარგულებისთვის“ მნიშვნელოვანი ფაქტორია და ამას უყურადღებოდ არასდროს ვტოვებთ. ტურებზე, ხშირად ვიწვევთ რამდენიმე ადამიანს უფასოდ, ჩვენი თანამშრომლობა არასდროს არის ერთჯერადი, პირიქით, ჩვენთვის მნიშვნელოვანია, ადამიანური ფაქტორებით გამყარებული ურთიერთობა და პარტნიორობა. კიდევ ერთი მნიშვნელოვანი ფაქტორია ისიც, რომ ჩვენთან ტური არასდროს იშლება!”
G.Tours:
“თითქმის საქართველოს ყველა კუთხეს ვსტუმრობთ, თუმცა გამოვყოფ – ფშავხევსირეთს, ხევს, მარტვილის და ხონის რაიონებს, სვანეთს.
ერთ დღიანი ტურის ფასი 18 დან 60 დოლარამდე მერყეობს,ფასი განისაზღვრება მომსახურების მიხედვით. ორ დღიანი ტურების საფასური 50 ლარიდან 200 დაამდე. სტანდარტული მლმსახურებაა: მოგზაურობის დაგეგმვა, ტრანსპორტირება,მეგზურის და გიდის მომსახურება,ზოგიერთ შემთხვევაში საკვებით უზრუნველყოფა და სხვა ბევრი ტექნიკური საკითხის მოგვარება.
წლევანდელი ზაფხულის აქტუალური ტურებია: ფშავ- ხევსურეთი, დაშბის კანიონი, მარტვილისა და ხონის რაიონები, სვანეთი, ასევე კახეთის მხარე.
სალაშქრო ტურებთან ერთად კულტურულ შემეცნებითი ტურიც აქტიურად მოთხოვნადია,არ არსებობს საქართველოს კუთხე, სადაც არ იყოს ისტორიული ძეგლი ან გამოჩენილი ადამიანების სახლ- მუზეუმი, თითქმის ყველა რაიონშია მხარეთმცოდნეობის მუზეუმი, ეს ყველაფერი საკმაოდ დიდ ინტერესს იწვეცს. წინა წლებში რამდენიმე ტური ჩავატარეთ ბათუმში, შავი ზღვის საერთაშორისო ჯაზ- ფესტივალზე.
ის, ვინც თავისი ძვირფასი დროის დაგეგმვის ჩვენთვის მონდომებას გადაწყვეტს, ვთავაზობთ: საზღვაო და სახმელეთო ტრანსპორტით უზრუნველყოფას; სასტუმროების და აპარტამენტების დაჯავშნას; პროფესიონალი გიდების მომსახურებას; საექსკურსიო კვებას;პიკნიკების მოწყობას; რაც ყველაზე მთავარია დაბალ ფასებს; მარტივი გადახდის სისტემა; კურიერის მომსახურება; სამთოსათხლამურო აღჭურვილობით მომსახურება; ვირჩევთ სასიამივნო და მეგობრულ გარემოს.”
დროა იმოგზაურო:
“ყველაზე ხშირად ტურებს ყაზბეგის მიმართულებით ვაწყობთ. ბოლო პერიოდში პოპულარული გახდა წალკა – დაშბაშის კანიონი, რომელსაც უკვე საკმაოდ დიდი რაოდენობით ტურისტი სტუმრობს. ცხადია, ფასები ტურისტულ მანძილზეა დამოკიდებული. ახლომდებარე ტურებზე (წალკა, ყაზბეგი,კახეთი) ფასები მერყეობს 30–45 ლარამდე (კვებასთან ერთად). ორდღიანი ტურის ფასი მაგალითად, ხევსურეთის მიმართულებით 95 ლარია, სვანეთის–145. საშუალოდ ფასები ორდღიან ტურზე 90–150 ლარამდე მერყეობს. ზაფხულის სეზონზე ამჟამინდელი მაჩვენებლით ყველაზე მოთხოვნადი ტორი ყაზბეგია.
ჩვენს ყველა ტურში შედის გიდის მომსახურება. როდესაც უცხოელი ტურისტები მიგვყავს ძირითადად შემეცნებითი შინაარსის კონტექსტზე ვაკეთებთ აქცენტს, მაგალითად, შატილში „შატილობას“ ისინი ადგილობრივებს ლუდის გამოხარშვაში ეხმარებიან. ამ ბოლო დროს უცხოელი ტურისტებიდან პოლონელები ჭარბობს. უნდა აღინიშნოს, რომ ინდოელებიც, უფრო და უფრო მეტ ინტერესს იჩენენ გასვლითი ტურების მიმართ.
თითოეულ ტურისტულ სააგენტოს თავად უწევს საინფორმაციო ცენტრის მაგივრობა გასწიოს, რადგან ტურისტულ ობიექტებზე (არც ყაზბეგში, არც წალკაში) არ არის ტურისტული ცენტრები. პრობლემას ქმნის ისიც, რომ ტურისტულ ზონებებში არ კონტროლდება გარემო დასუფთავების თვალსაზრისით არის საკმაოდ ცუდი მდგომარეობა. არის ისეტი შემთხვევებიც, როდეც იძულებული ვართ კანიონებიდან თავად ამოვიტანოთ ნარჩენები, რადგან არავინ ყურადღებას არ აქცევს ამ საკითხებს. ჩემი აზრით, აუცილებელია ტურისტული საინფორმაციო ცენტრების შექმნა, რომ ეს სფერო მეტად განვითარდეს.”
I Can Travel:
“ჩვენი კომპანია შიდა ტურებს ძირითადად კახეთის მიმართულებით აწყობს. პოპულარულია, ასევე, ყაზბეგის ტურიც.
ერთდღიანი ტურის მომსახურება 120 ლარიდან იწყება, ხოლო ორდღიანი 250– 300 ლარი. მომსახურებაში შედის – გიდი, მძღოლის მომსახურება, ლანჩი, დეგუსტაციები… გასათვალისწინებელია ადამიანების რაოდენობა და ტურის ღირებულება.
ზაფხულის განმავლობაში ძირითადი ნაკადი ტურისტების ზღვისპირეთისკენ მიემართება. ამ სეზონზე დატვირთულია ყაზბეგი და სვანეთიც. სიმართლე რომ ვთქვა, უცხოელ ტურისტებსაც კი აქვთ ძირითადი ინფორმაცია სესწავლილი ისტორიულ მხარეებსა და ღირსშესანიშნაობებზე, ამ შემთხვევაში აქცენტი უფრო ღვინისა და სხვადასხვა დეგუსტაციებზე კეთდება. ტურისტების ძირითად ნაწილს რუსები წარმოადგენენ. ევროპის ქვეყნებიდან ბოლო პერიოდში პოლონეთიდან განსაკუთრებით დიდი ნაკადი შემოდის.
პრობლემას წარმოადგენს ბრენდის წარმოაების თვალსაზრისით, შიდა ტურისტულ ბაზარზე კონკურენცია მაღალია, შესაბამისად კომპანიები თითოეულ კლიენტს დიდ მნიშვნელობას ანიჭებენ. მათ შეიძლება, მომსახურებაში მიზერული თანხა დააკლონ და ამ ფონზე მიიზიდონ ტურისტები. შიდა ტურისტულ კომპანიებს პრობლემებს ინფრასტრუქტურილი მოუწესრიგებლობაც უქმნით, რასაც ხელისუფლების დაინტერესების ნაკლებობაც ემატება. ეს პრობლემა სისტემური ხასიათისაა და მოსაგვარებლად რთულიც.”
Profkurort:
“ყველაზე ხშირად დასავლეთ საქართველოში ვაწყობთ ტურს –სამეგრელო (მარტვილი, ჩხოროწყუ) იმერეთი (პრომეთეს მღვიმე). სამხრეთ საქართველოში ასევე ხშირად ტურს ვარძიის მიმართულებით ვაწყობთ.
დასავლეთ საქართველოში ერთდღიანი ტურის ფასი 50 ლარიდან იწყება. მომსახურებაში ტრანსპორტირების გარდა შედის გამყოლი გიდის მომსახურება, ამას ემატება მუზეუმებში შესასვლელი ბილეთების თანხა და კვების ხარჯები. ორდღიანი ტურის ფასი (მაგალითად, მარტვილი–ჩხოროწყუ) დაახლოებით 170 ლარი (სასტუმრო ორჯერადი კვებით, ბილეთები და გიდის მომსახურება) გვაქვს 130 ლარიანი ტურიც.
შარშან ყველაზე მოთხოვნადი აღნისნულ სეზონზე თუშეთი იყო, არაერთხელ მოვაწყეთ ტურები რკონის მიმართულებითაც. ჩვენი კომპანია მაქსიმალურად ცდილობს, რომ ადგილობრივი კულტურა გააცნოს მომხმარებელს. ამიტომ გზად ყოველთვის ვათვალიერებთ ეკლესია–მონასტრებს (მაგალითად, ბატეთის ტბის ტურზე). თუმცა ძირიტადად შერეული ხასიათის ტურებია, დასვენება–შემეცნება. „
„Profkurort“ მომხმარებელს საფეხმავლო ტურებსაც სთავაზობს. ჩვენი მთავარი პრობლემა არის ის, რომ მომხმარებელს არ ვთავაზობთ დაბალფასიან ტურებს. შიდა ტურისტული კომპანიები ხშირად აწყობენ ტურებს ძალიან დაბალ ფასად, (15 ლარი სამეგრელოში წასვლა და 25 ლარად სვანეთში დასვენება), შესაბამისად ჩვენ იძულებული გავხდით, რომ მინიმუმამდე დაგვეყვანა ფასები, რის გამოც ბილეთები და კვების ხარჯები აღარ არის ჩვენს ტურებში გათვალისწინებული და ეს თანხა ცალკე ემატება. პრობლემას ქმნის ინფრასტრუქტურული ასპექტებიც – ადგილობრივი გიდების რაოდენობა, კომპენტენცია, მუზეუმების მდგომარეობა. გამომდინარე იქიდან, რომ ჩვენ შემომყვანი ტურისტული კომპანია ვართ და ძირიტადი მიმართულება უცხოელი ტურისტების შემოყვანაა, პრობლემას ფაქტობრივი სიზუსტე და დამახინჯებული ინფორმაციაც გვიქმნის. მაგალითად, თურქი გიდები უყვებიან , რომ ბათუმი მათი ტერიტორიაა და ტურქ ტურისტებს სხვა ინფორმაციას აცნობენ. უცხოელ ყურისტებს ეუბნებიან, რომ „ვეფცი და მოყმე“ ვეფხისტყაოსნის მიხედვით შექმნილი მონუმენტია, რომ ჯვრის მონასტერი მე–5 საუკუნეში კი არა მე–17 საუკუნეშია აგებული და ა.შ. ბევრი უზუსტობის გამოსწორება სწორედ ჩვენს გიდებს უწევთ და ეს საკითხები დასარეგულირებელია. სამწუხაროა ისიც, რომ კვალიფიციაური გიდები ჩვენც ძალიან ცოტა გვყქავს ქვეყანაში.”
ნანუკა მაღლაკელიძე
Discussion about this post