Me-mow – ხელნაკეთი აქსესუარების ახალი ქართული ბრენდი

ფერადი, გამორჩეული და განსხვავებული-ხელნაკეთი ნივთები  საშუალებას გაძლევს შექმნა ყველასგან გამორჩეული ნივთი მხოლოდ შენთვის. რამდენიმე თვის წინ ბაზარზე კიდევ ერთი ახალი ხელნაკეთი აქსესუარების ბრენდი „Me-mow“ გამოჩნდა, რომელიც მომხმარებელს ფერადი, განსხვავებული  და ინდივიდუალური დიზაინით შექმნილ სამკაულებს სთავაზობს. „თბილისი თაიმსს“  ბრენდის შესახებ „Me-mow“-ს დამფუძნებელი ნუნა დადუნაშვილი ესაუბრა. 

მოგვიყევით თქვენზე, როდის გაგიჩნდათ იდეა შეგექმნათ ხელნაკეთი ნივთები?

– 12-13 წლიდან  ვაკეთებ მსგავს ნივთებს. ყოველთვის მაინტერესებდა ხატვა, რაღაც ახლისა და განსხვავებულის შექმნა. ვაკეთებდი სამკაულებს  მეგობრებისთვის, ნათესავებისთვის, ზოგიერთს ვაბარებდი და ვყიდიდი.  ძალიან მიყვარდა ჩემი საქმე და ჩემი მცირე შემოსავალი კიდევ უფრო მეტ სტიმულს მაძლევდა, მეკეთებინა ბევრი და შემექმნა კიდევ ახალი. მიუხედავად რომ არასდროს შემიწყვეტია რაიმეს კეთება, ამ ყველაფერს ნაკლებ სერიოზულად ვუყურებდი.  დროც არ მქონდა, რადგან პროფესიულად მინდოდა განვვითარებულიყავი, ამიტომ თითქმის მივივიწყე სამკაულების კეთება.

როდის გაჩნდა თავად ბრენდი ქართულ ბაზარზე?

– სრულიად მოულოდნელად. ერთ დღეს  მეგობრისთვის საჩუქრად გავაკეთე სამკაული. მოვიფიქრე კონკრეტული ფორმა, რაც მას მოეწონებოდა და აინტერესებდა. პირველივე სამკაულმა მოწონება დაიმსახურა და მეც სხვები რომ არ დამეჩაგრა, მეგობრებს ინდივიდუალურად მათთვის, ხასიათისა და გემოვნების შესაბამისად დავუმზადე სხვადასხვა ნივთი. ამის შემდეგ ერთ-ერთმა ჩემმა მეგობარმა მირჩია, რომ უფრო სერიოზულად მომეკიდებინა ხელი ამ ყველაფრისთვის და რასაც ვაკეთებდი ბიზნესად მექცია.  ასე გაჩნდა ჩვენი „Me-mow“. უკვე აქტიურად დავიწყეთ კეთება და მცირე დროში საკმაოდ დიდი შეკვეთებიც მივიღეთ. საზოგადოებას ძალიან მოსწონს ჩვენი ნამუშევრები.

ძირითადად რა სახის ნივთებს ქმნით?

– თავიდან დავიწყეთ ისეთი ნივთების კეთება რაც ჩვენთან იყო ძალიან ახლოს. მაგალითად, კოსმოსის თემა, რაც ძალიან მაინტერესბდა. ახლა ვცდილობ რაც შეიძლება მეტი ფორმა გავაკეთო უფრო საინტერესო და მისაღები რომ იყოს მომხმარებლისთვის. ხშირად მწერენ, რომ რაიმე ფორმა უნდათ, ისეთი რაც არ მქონდა გაკეთებული და მეც დიდი სიამოვნებით ვუკეთებ. ჯერჯერობით მხოლოდ  გულსაბნევებსა და საყურეებს ვაკეთებთ, რაც დროის ფაქტორითაა გამოწვეული. გულსაბნევი და საყურე შედარებით მარტივად შესაქმნელი ნივთებია. თუმცა როდესაც რაღაც განსხვავებულს მიკვეთავენ აუცილებლად ვაკეთებ, რადგან საინტერესოა გავიგო რა სურს მომხმარებელს.

საიდან მოდის ბრენდის სახელი?

– სახელი ერთ-ერთი მულტფილმიდან მოდის, რომელიშიც მონაწილეობს ბოროტი კატა-Me-mou. არ ვიცი რატომ, თუმცა ვიფიქრეთ, რომ ჩვენს ბრენდის თემატიკას ძალიან მოუხდებოდა ფისოს სახელი.  ჩვენი აქსესუარები „Me-mou“-ს  სახელის ქვეშ დაახლოებით ორი წლის წინ გაერთიანდა, რაც გაკეთდა ფეისბუკ გვერდი, თუმცა „Me-mou“ ქართულ ბაზარზე აქტიურად დაახლოებით ექვსი თვის წინ გამოჩნდა.

რამდენად კონკურენტულები ხართ ქართულ ბაზარზე?

– „Me-mou”- მინდა ის ხაზი იყოს, რომელიც არ აქვს სხვას. მინდა გამორჩეულები ვიყოთ ფერებით, ფორმებით, ინდივიდუალიზმით. ჯერჯერობით ვფიქრობ, თავს კარგად ვართმევ, რადგან ძალიან მოსწონს მომხმარებელს. ხშირად გვიკავშირდებიან და გვიკვეთავენ ნივთებს. ვამზადებთ როგორც ინდივიდუალურად, ასევე კომპანიებისთვისაც ვამზადებთ ნივთებს.

როგორია ფასები და სად შეიძლება Me-mou”-ს შეძენა?

– მიუხადავად იმისა, რომ ხელნაკეთი ნივთებია, ბაზართან შესაბამისია  ფასები. ყოველთვის ვცდილობთ,  რომ ფასი არ აღემატებოდეს თვითღირებულებას იმდენად, რომ ვიღაცისთვის ყიდვა შეუძლებელი იყოს. ჯერჯერობით არ ვფიქრობ იმაზე, რომ ამ ყველაფერმა დიდი მოგება მომიტანოს, მინდა რომ “Me-mou” ყველა სეგმენტისთვის ხელმისაწდომი იყოს. თუცა, რა თქმა უნდა ხელნაკეთი ნივთები ცოტა ძვირი ღირს და ეს უნდა გაითვალისწინოს მომხმარებელმა, რომ შესაქმნელად არა მხოლოდ მასალა იხარჯება, არამედ უდიდესი წილი გონებრივ შრომას ენიჭება. წინასწარ იქმნება ესკისი და შემდეგ ხელით კეთდება თითოებული ნივთი, ყოველი დეტალი წინასწარ მოფიქრებული უნდა იყოს. ვიყენებთ ხის მასალას, აკრილის საღებავს  და შემდეგ ილაკება იმისთვის რომ წყალგამძლე იყოს.ამ ეტაპზე ნივთების შეძენა ხდება ფეისბუკ გვერდის საშუალებით და ასევე  ჩვენი  სამკაულები არის ხელნაკეთი ნივთების მაღაზიებშიც.

რა არის ისეთი რის გამოც ამ საქმის კეთება გიყვართ?

– ნებისმიერი შემოქმედისთვის მნიშვნელოვანია ის, რომ  შინაგანი ენერგია და სამყარო გარდაქმნა რაღაცად. სასიახარულოა, თუ  ეს რაღაც ძალიან ბევრი ადამიანისთვის სასიამოვნო, ემოციური და სასიხარულოოა. ჩემთვის მნიშვნელობა არ აქვს მხოლოდ იმას  ნივთს გავყიდი თუ არაა, არამედ ყოველთვის ვცდილობ გავიგო ადამიანის ხასიათი და შემდეგ შევურჩიო ან შევქმნა ნივთი მათთვის.

როგორია თქვენი სამომავლო გეგმები?

– მეგობრებთან ერთად ვაპირებ სახელსონოს გასხნას. რომელიც საშუალებას მომცემს გავაკეთო კიდევ სხვა რაიმე. ჩანთები, ავეჯი, სახლის დეკორი, საათი, საკიდები, ჩანთა, მაისურები, ბალიშები. სამომავლოდ ბევრი სიახლეე იქნება და ეს ყველაფერი „ Mw-mou”-ს ბრენდის სახელით.  ვგეგმავთ საბავშვო ხაზის დამატებას, რომელიც იქნება ანტიალერგიული, თაფლის საღებავით დაზადებული.

მარიამ ლეკიაშვილი