აშშ და რუსეთი შეთანხმდნენ

აშშ და რუსეთი სირიის ქიმიური იარაღის აუდიტის საკითხზე შეთანხმდნენ. შვეიცარიის ქალაქ ჟენევაში მიმდინარე მოლაპარაკებებზე შეთანხმება მესამე დღეს იქნა მიღწეული.

აშშ-ის სახელმწიფო მდივნის ჯონ კერისა და მისი რუსი კოლეგის სერგეი ლავროვის მიერ ჩატარებულ მინი სამიტზე რუსეთის წინადადება მიღებული იქნა.

შეთანხმების თანახმად, თუ ასადის რეჟიმი ქიმიურ იარაღს ჩააბარებს, სამხედრო ოპერაციაზე საუბარი შეწყდება.

სირია ვალდებულია 1 კვირაში წარადგინოს მის ხელთ არსებული ქიმიური იარაღის დეტალური სია. იარაღის საწყობები გაეროს აუდიტისათვის გაიხსნება, აუდიტორები ყველაზე გვიან ნოემბერში სირიაში ჩავლენ და ქიმიური იარაღის განადგურება 2014 წლის შუა თვეებში დასრულდება.

კერის განცხადებით, იმ შემთხვევაში, თუ ასადი გეგმას არ შეასრულებს, შეიძლება გაეროს უსაფრთხოების საბჭოს სანქციები ამოქმედდეს.

რუსმა მინისტრმა ლავროვმა კი განაცხადა, რომ ”სამხედრო ჩარევის საკითხზე წინასწარ პირობაზე საუბარი არ გამართულა”.

ასადის რეჟიმის მიერ შეთანხმების დარღვევის შემთხვევაში შესაძლებელი იქნება გაეროს შეთანხმების მეშვიდე მუხლის ამოქმედების მოთხოვნა, რაც სამხედრო და არასამხედრო სანქციებს შეიცავს.

ორივე ქვეყნის მიერ მიღწეული შეთანხმების სირიის მიერ ხელმოწერის შემთხვევაში, 30 დღეში განადგურების პროცესი დაიწყება.

ასევე ვრცელდება ინფორმაცია, რომ ასადის ხელისუფლებას ქიმიური იარაღის არსენალი რამოდენიმე დღეა ლიბანსა და ერაყში გადააქვს.

16.09.13