იაპონია ექსპლოატაციაში არსებულ ბოლო ბირთვულ რეაქტორს, შეკეთების მიზნით ხურავს. ქალაქ ოჰიში მდებარე ბირთვულ სადგურზე ელექტრო ენერგიის წარმოება დღეს შეწყდება.
იაპონიაში 2011 წელში მომხდარი მიწისძვრისა და ცუნამის გამო ფუკუსიმას ბირთვული სადგურის კატასტროფამ ქვეყანაში ბირთვული ენერგიის მიმართ ნდობა შეამცირა.
კატასტროფის შემდეგ სადგურები შეკეთებისა და უსაფრთხოების გამო სათითაოდ დაიხურა. ექსპლოატაციაში არსებული ბოლო ბირთვული რეაქტორი კი დღეს გაჩერდება და, სავარაუდოდ, დეკემბრამდე ისევ ამოქმედდება.
ბირთვულ სადგურებში გამომუშავებული ენერგია 2011 წლის კატასტროფამდე იაპონიის ენერგო მოთხოვნილების ერთ მეოთხედს აკმაყოფილებდა.
იაპონიის მთავრობა ენერგო დეფიციტის შესავსებად იძულებული გახდა ნახშირისა და ბუნებრივი აირის იმპორტი განეხორციელებინა, რამაც ქვეყნის საგარეო ვაჭრობის ბალანსი დაარღვია.
17.09.13
Discussion about this post