„როდესაც ყველაფერი სიმბოლურია, მნიშვნელოვანია,რომ დირიჟორიც იყოს დემოკრატიულ ნაწილთან კავშირში. ჩემთვის გერგიევი არ არის ამასთან დაკავშირებული, ის პუტინის პირდაპირი პროპაგანდისტია“ , – ამის შესახებ პიანისტმა ხატია ბუნიათიშვილმა „რუსთავი 2“-ზე, გადაცემა „შაბათის კურიერის“ ეთერში ისაუბრა და პროტესტის მიზეზიც განმარტა, როცა ბასტილიის დღისადი მიძღვნილ კონცერტზე არ დაუკრა.
„ეს იყო პროტესტი როგორც ქართველის და როგორც ადამიანის. 14 ივლისს უნდა გაჟღერდეს მარსელიეზა, ეს არის ზეიმი,როდესაც აღვნიშნავთ,რომ ადამიანის უფლებები აქამდე მოვიტანეთ და წინ კიდევ დიდი გზა გვაქვს გასავლელი. როგორც მსოფლიო მოქალაქისთვის, ეს არის მიუღებელი,რომ დირიჟორი იყოს რუსეთის პროპაგანდისტი.
პირველად გაუკვირდათ. მნიშვნელოვანი დღეა, პარიზი, ეიფელის კოშკი, ტრანსლაცია მთელ მსოფლიოში. დიდი სურვილი მქონდა, რომ მიმეღო მონაწილეობა. პირველად იყო გაკვირვება, ფიქრობდენ ზედმეტი ხომ არ არის მსგავსი პროტესტი. ფიქრობენ,რომ ჩვენი პროფესია დაკავშირებული უნდა იყოს პოლიტიკასთნ. მე მაინც ვხედავ ზღვარს პოლიტიკას და ხელოვნებას შორის. ეს ორი სრულიად განსხვავებული რამეა“ , – განაცხადა ხატია ბუნიათიშვილმა.
მანანა ღოღობერიძე