„პირდაპირ დიალოგს არ აქვს ალტერნატივა. აბაშიძე-კარასინი არ არის პოლიტიკური ფორმატი, ჟენევის ფორმატიც ერთი და იმავე საკითხებზე ტივტივებს და ახალი არაფერი ხდება. დეპუტატების დონეზე უნდა მოხდეს დიალოგი“ , – რუსეთში მეორედ ვიზიტის დეტალებზე „პატრიოტთა ალიანსის“ ლიდერმა, ირმა ინაშვლმა „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„ეს ვიზიტი უმნიშვნელოვანესია. ჩვენი პოლიტიკური ქსპერტები არაკომპეტენტური და მიკერძოებულები არიან. არ გვაქვს მოლოდინი,რომ დეპუტატების დონეზე გადაწყდება სახელმწიფო მნიშვნელობის თემები,მაგრამ უნდა დავიწყოთ. ჩვენ ვართ პარლამენტის წევრები და გვაქვს პასუხისმგებლობა. ჩვენი დეპუტატები რუს კოლეგებთან საუბარს იწყებენ ტერიტორიული მთლიანობის აღდგენის თემით.
არავითარ „შეძრომაზე“ და საქართველოს სახელმწიფოებრივ ინტერესებზე ღალატი არ არსებობს. გამოჩნდა ფანჯარა იმისათვის,რომ რუსულმა მხარემაც დააფიქსიროს აზრი. შეგვიძლია საქართველოში ჩამოვიტანოთ გზავნილები, რაც ამ დიალოგის პროცესში იქნება გამოხატული. „ქართული ოცნების“ ბევრი დეპუტატი აცნობიერებს,რომ აუცილებელია მშვიდობიანი დიალოგი, სამხედრო ძალით რომ არ შეგვიძლია მოგება ფაქტია. ბოკერიას იდეოლოგიური წნეხისგან უნდა გავთავისუფლდეთ, თითქოს დიალოგი არის ღალატი“ , – განაცხადა ირმა ინაშვილმა.
მანანა ღოღობერიძე