“თაბორის მთის მიმდებარე ტერიტორიაზე ინვესტორი იხდის მნიშვნელოვან ფასს” – ირაკლი ლექვინაძე

„ის დოკუმენტი,რომელიც მომზადებულია მერიაში და გადაგზავნილია საკრებულოში, არის აბსოლუტურად სამართლებრივი. უნდა ვნახოთ ეს ტერიტორია და დავრწმუნდებით, რომ მისი ამ ფორმაში დატოვებას ჯობს ზონის სტატუსის შეცვლა“ , – ამის შესახებ თბილისის ვიცემერმა ირაკლი ლექვინაძემ „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.

„ბევრი პოლიტიკური სპექტაკლი ვიხილეთ, რადგანაც ამ სპექტაკლის ორგანიზატორებმა კარგად იციან რამდენიმე დღეში არის არჩევნები, მათ არ აქვთ რეიტინგი და ცდილობენ ყურადღების ცენტრში მოექცნენ რადიკალური აქციებით. თაბორის მთის მიმდებარე ტერიტორიაზე ინვესტორი იხდის მნიშვნელოვან ფასს, რომ აქ უზრუნველყოს რეკრეაციული ზონის და ხე-მცენარეების მორწყვის,საირიგაციო სისტემის მოწყობა.

ინვესტორი გადაიხდის საბაზრო ღირებულებას, არანირ გადაცემაზე, ჩუქებაზე არ არის ლაპარაკი.ეს კომპანიები ბიძინა ივანიშვილთან რომ არ იყვნენ დაკავშირებულები, ოპოზიცია განცხადებასაც არ გააკეთებდა. პუშკინის სკვერის მიმდებარე ტერიტორია 1 მილიონიანი ინვესტორების სანაცვლოდ გადაეცემა და არა ჩუქებით. ეს არ არის განსაკუთრებული პრეცედენტი და ეკონომიკურად გამართლებული ფორმაა. არანაირი პრობლემა არ არსებობს, ქალაქისთვის დგება რამდენიმე სარგებელი“ , – განაცხადა ირაკლი ლექვინაძემ.

მანანა ღოღობერიძე