ფინანსთა მინისტრის ინფორმაციით, საქართველოში თამბაქოს მოხმარება 25 პროცენტით შემცირდა, საბიუჯეტო შემოსავალი კი, 150%-ით გაიზარდა.
ფინანსთა მინისტრმა ამის თაობაზე თამბაქოსთან დაკავშირებული გადასახადების თემაზე გამართულ სესიაზე განაცხადა. აღნიშნული სესია აშშ-ში, ქალაქ ვაშინგტონში საერთაშორისო სავალუტო ფონდის და მსოფლიო ბანკის წლიური შეხვედრების ფარგლებში გაიმართა. სესიაზე მთავარი მომხსენებლები იყვნენ მსოფლიო ბანკის პრეზიდენტი ჯიმ კიმი და ნიუ-იორკის ყოფილი მერი მაიკლ ბლუმბერგი.
პირველი ვიცეპრემიერის თქმით, თამბაქოს ნაწარმის დაბეგვრის სწორი პოლიტიკა თამბაქოს მოხმარების შემცირებასთან ერთად თანხების მობილიზების შესაძლებლობასაც იძლევა.
„საქართველოში 2013 წლიდან აქციზის განაკვეთები თამბაქოს ნაწარმზე ზრდადია და ბოლო 4 წლის განმავლობაში მან 5-ჯერ მოიმატა. შედეგად, ოფიციალური სტატისტიკით, საქართველოში თამბაქოს მოხმარება 25 პროცენტით შემცირდა, საბიუჯეტო შემოსავალი თამბაქოს აქციზით დაბეგვრიდან კი, 150 პროცენტით გაიზარდა“, – განაცხადა ქუმსიშვილმა.
Discussion about this post