„როდესაც პარლამენტის თავმჯდომარეობა შემომთავაზეს, ვთვქი უარი, რადგან ამას ვერ შევძლებდი. მეც ხომ მაქვს თვითშეფასების უფლება“, – ამის შესახებ „ქართული ოცნების“ თბილისის მერობის კანდიდატმა „ტვ პირველზე“, გადაცემა „პირველების“ ეთერში ისაუბრა. კახი კალაძემ წარსულში დაშვებულ შეცდომებზე და სამომავლო გეგმებზე დასმულ შეკითხვებს უპასუხა.
„პარტიის გენერალური მდივანი ვარ, არჩევნებში ვიყავი შტაბის ხელმძღვანელი, შესაბამისად იყო საუბარი. თუმცა შევთანმხდით და ახლა ვფიქრობ,რომ პარლამენტის თავმჯდომარე არის ყველაზე საუკეთესო ქვეყნის ისტორიაში. პარტიის რესურსი რატომ მოჰყავთ ნეგატივში არ ვიცი. მეამაყება,რომ ვარ „ქართული ოცნების“ წარმომადგენელი.
5 წლის განმავლობაში,როდესაც ენერგეტიკის მინისტრი ვიყავი, ადამიანები მხოლოდ პარტიული მიმართულებით არ ამყავდა სამსახურში, კვალიფიციურ პროფესიონალეზბე ვაკეთებდი აქცენტს. ჩემი გუნდის წევრი შეიძლება იყოს რიგითი მოქალაქე, კადრების შერჩევაში ვიქნებით აბსოლუტურად გამჭვირვალე.
ივანიშვილთან მაქვს პერსონალური ურთიერთობები, ოჯახებითაც. ბერა ჩემი შვილის ნათლიაა. თუმცა, ზოგადად ის არის ადამიანი,რომელსაც ყველაზე მეტად გაუხარდება „ქართული ოცნების“ წარმატება. მე ცალკე პოლიტიკურ თამაშს არ ვაპირებ. მყავს ლიდერი გიორგი კვირიკაშვილი. ვერ დავყოფ და არ დავყოფ ჩემს და მის გუნდს.
„გაზპრომთან“ დაკავშირებით საზოგადოებას შეკითხვები არ აქვს. ეს ხელშეკრულება მომავალი წლის ბოლოს სრულდება და ახალი მინისტრი ახალ შეთანხმებას დადებს. როდესაც გუნდში მიდიოდა მსჯელობა, განვიხილეთ ისიც,რომ საქართველოში წარმოებული პროდუქცია გადის რუსულ ბაზარზე, ეს წარმატებაა. ყველა მიმართულებით განვიხილეთ პრობლემები და დღესაც ვფიქრობ სწორი გადაწყვეტილება მივიღეთ“, – განაცხადა კახი კალაძემ.
მანანა ღოღობერიძე
Discussion about this post