თბილისის მერიის ჯანდაცვისა და სოციალური მომსახურების საქალაქო სამსახურის უფროსის, გელა ჩივიაშვილის განცხადებით-დიდ ლილოში მდებარე მიუსაფართა თავშესაფარი ბენეფიციართა მისაღებად მზად არის.
მიუსაფარი მოქალაქეები თავშესაფარში მათივე თხოვნით ან პატრულის დახმარებით ხვდებიან. საქალაქო სამსახურის ცნობით, უსახლკაროთა ნების საწინააღმდეგოდ თავშესაფარში მიუსაფართა გადაყვანა დაუშვებელია.
„მიუსაფართა თავშესაფარი, უკვე 2015 წლის დეკემბრიდან ფუნქციონირებს. იგი 240 მიუსაფარ პირზეა გათვლილი. თვშესაფარი ყველა იმ აუცილებელი ტექნიკური პირობითაა აღჭურვილი, რომლებიც ადამიანების დასაკმაყოფილებლადაა საჭირო. მათ ექნებათ– ცხელი სადილი, რა თქმა უნდა, აუცილებელი საყოფაცხოვრებო ნივთები, პირველადი სამედიცინო მომსახურება და ცხადია, ყველა ის ჰიგიენური საშუალება, რაც ადამიანის ყოველდღიური ცხოვრებისთვის არის აუცილებელი.
ამ დროისთვის, აღნიშნული თავშესაფარი თბილისში არსებულ მოთხოვნებს აკმაყოფილებს. შესაბამისად, ახლის აშენების საჭიროება ამ წუთში, არ დგას, ვინაიდან, ამ თავშესაფრის საშუალო დატვირთვა 120-დან 180 ბენეფიციარამდეა. გვახსოვს, ეს ადამიანები კარვებში იყვნენ განთავსებულნი, სანიტარული მდგომარება მნიშვნელონად კარგია, ვიდრე ეს ადრე იყო“, – განაცხადა გელა ჩივიაშვილმა.
უფრო ვრცლად, მიუსაფართა თავშესაფრის შესახებ ინფორმაციის შესატყობად, გაეცანით „თბილისი თაიმსის“ 2016 წელს მომზადებულ მასალას. სიტუაცია, თითქმის, ანალოგიურია. იხილეთ ლინკი- ttimes.ge
ნინო ზარიძე