საქართველო ბიზნესის კეთების მსოფლიო რეიტინგის ათეულშია, ამის შესახებ დეტალურად პარლამენტის საფინანსო-საბიუჯეტოკომისიის თავმჯდომარემ, ირაკლი კოვზანაძემ „ქრონიკის“ ეთერში ისაუბრა.
„ეს არის იმ რეფორმების შედეგი,რომელსაც საქართველოს მთავრობა და პარლამენტი ერთად ატარებს. 190 ქვეყანაში რომ მე-9 ადგილზე იქნები ბიზნების კეთების კუთხით მნიშვნელოვანი სიახლეა, განსაკუთრებით ელიტარული ქვეყნების გვერდით. მნიშვნელოვანია საქართველოში ბიზნესის დაწყების სიმარტივე, აქციონერთა უფლებების დაცვა, ელექტროენერგიაზე სწრაფი წვდომა, სესხის გადახდა და მიღება სწრაფად. აქ არის რეფორმების ჩამონათვალი, ეს ნიშნავს რომ საქართველოში საინვესტიციო პოტენციალი გაზრდილია, შესაბამისად მალე გაიზრდება უცხოური ინვესტიციები.
2013 წელსაც იმავე ადგილას იყო საქართველო რეიტინგში, თუმცა ახლა დაემატა ხარისხობრივი მაჩვენებელი. ამ კუთხით 2013 წელს საქართველო 24-ე იქნებოდა, ახლა კი საქართველომ მნიშვნელოვანი პროგრესი განიცადა და მე-9 ადგილზე გადაინაცვლა.
რაც შეეხება ლარის კურსის გაუფასურებას, ჩვენი საბოლოო მიზანია დედოლარიზაცია, გვინდა რომ საქართველოს მოქალაქე არ იყოს დამოკიდებული დოლარზე, თავისი ვალდებულებები ვალში დააფიქსიროს. ამისთვის გვქონდა გამოყოფილი ათეულობით მილიონი ბიუჯეტში, რომ ეს არ მომხდარიყო. ლარის დევალვაცია არის დროებითი პერიოდი სეზონური ფაქტორების გამო“ , – განაცხადა ირაკლი კოვზანაძემ.
მანანა ღოღობერიძე