„საზოგადოებრივი აზრიც მწიფდება,რომ ასე ცხოვრება აღარ შეიძლება. საქართველო ნარკომომხმარებეთა რიცხვის მიხედვით მსოფლიოში მე-3 ადგილზეა, ეს კატასტროფული შედეგი გამოიწვია რეპრესიულმა ნარკოპოლიტიკამ“ , – ახალი ნარკოპოლიტიკის შესახებ ნარკოლოგმა დავით ვადაჭკორიამ „იბერიას“ ეთერში, გადაცემაში „ცენზურის გარეშე“ ისაუბრა.
„დავინახე დადებითი ტენდენციები,რომ რადიკალური რეფორმები ჩატარდეს ლიბერალიზაციის კუთხით. დეკრიმინალიზაცია არ გულისხმობს დაუსჯელობას დიდი რაოდენობის ნარკოტიკის მოხმარების, შენახვისთვის. განისაზღვრება მინიმალური დღიური დოზები და ერთი დღის დოზისთვის არ იქნება სასჯელი, მხოლოდ ადმინისტრაციული სასჯელი გამოიყენება.
საქართველოს მსგავსად უმძიმესი მდგომარეობა იყო პორტუგალიაში, დღეში შიდსის ახალი 2000 შემთხვევა ჩნდებოდა, მათ დეკრიმინალიზაცია 2001 წელს დაიწყეს და ვფიქრობ საქართველოსთვისაც მისაბაძი ქვეყანაა. საქართველოში შარშან 650-მდე შიდსის ახალი შემთხვევა დაფიქსირდა და მათგან 50 %-ის მიზეზი იყო ნარკოტიკების მოხმარება. მიზანია,რომ შევწყვიტოთ ბრძოლა ნარკომომხმარებლის წინააღმდეგ და დავიწყოთ ბრძოლა დაავადების წინააღმდეგ“ , – განაცხადა ექიმ-ნარკოლოგმა დავით ვადაჭკორიამ.
მანანა ღოღობერიძე
Discussion about this post