გაეროს გენერალური ასამბლეის სესიებზე დასასწრებად ნიუ-იორკში მყოფი თურქეთის საგარეო საქმეთა მინისტრი აჰმედ დავუთოღლუ საბერძნეთის ვიცეპრემიერსა და საგარეო საქმეთა მინისტრს ევანგელოს ვანიზელოს შეხვდა. მათი შეხვედრის მთავარ თემას კვიპროსი წარმოადგენდა.
ლიდერებმა კუნძულზე მოლაპარაკებების რაც შეიძლება მალე დაწყებისა და დასრულების კუთხით თავიანთი მოსაზრებები გამოთქვეს და მნიშვნელოვანი ნაბიჯის გადადგმის გადაწყვეტილება მიიღეს.
ამ გადაწყვეტილების თანახმად, ჩრდილოეთ კვიპროსის თურქული სახელმწიფოს და სამხრეთ კვიპროსის ლიდერების მოლაპარაკებებზე სპეციალური წარმომადგენლები ორმხრივად თურქეთსა და საბერძნეთს ეწვევიან.
ორი გარანტორი ქვეყნის, თურქეთისა და საბერძნეთის ნება, კვიპროსის საკითხზე მიმდინარე მოლაპარაკებების დაჩქარების კუთხით ძალიან მნიშვნელოვანია.
დავუთოღლუმ და მისმა ბერძენმა კოლეგამ შეხვედრაზე ასევე განიხილეს ტერორიზმთან ბრძოლაში თანამშრომლობის, ვაჭრობის, ტურიზმის და თურქეთის ევროკავშირში სრული გაწევრიანების საკითხები.
საბერძნეთმა, რომელიც ევროკავშირის როტაციული თავმჯდომარეობის გადასაბარებლად ემზადება, კიდევ ერთხელ გამოხატა მხარდაჭერა თურქეთის ევროკავშირში გაწევრიანების მიმართ.
25.09.13
Discussion about this post