სამების საკათედრო ტაძარში ჩვილთა 53-ე საყოველთაო ნათლობა გაიმართება. სრულიად საქართველოს კათოლიკოს-პატრიარქის ნათლული დღეს 1000-მდე ბავშვი გახდება, რომელთაც საჩუქრად ნათლობის მოწმობა და ჯვარი გადაეცემათ. ამის შესახებ 1tv წერს.
სრულიად საქართველოს კათოლიკოს-პატრიარქი, უწმინდესი და უნეტარესი, ილია II ტაძარში შეკრებილებს მცირე ქადაგებით მიმართავს და ნათლულებს დალოცავს.
უწმინდესის ნათლულები ჯვარდაწერილი ოჯახების მესამე და მომდევნო შვილები არიან.
პატრიარქის ინიციატივის მიზანი საქართველოში დემოგრაფიული მდგომარეობის გაუმჯობესებაა.