გამოკითხულთა 62%-ი ფიქრობს, რომ ივანიშვილის გადადგომა საპრეზიდენტო არჩევნების დროს მათზე გავლენას არ მოახდენს

NDI-ს კვლევის თანახმად, ბიძინა ივანიშვილის გადადგომა საპრეზიდენტო არჩევნების დროს გამოკითხულთა 62 პროცენტის არჩევანზე გავლენას არ მოახდენს.

17 პროცენტი აცხადებს, რომ ნაკლებად მოსალოდნელია ხმა მისცეს “ქართული ოცნების” კანდიდატს, ხოლო 8 პროცენტი ამბობს, რომ უფრო მეტად მოსალოდნელია, რომ ხმას არ მისცემს “ქართული ოცნების” კანდიდატს, 11 პროცენტი კი ამბობს რომ არ იცის.

NDI-ის კვლევის საველე სამუშაოები 18 აგვისტოდან 3 სექტემბრის პერიოდში ჩატარდა. საქართველოს მასშტაბით პირისპირ ინტერვიუს წარმომადგელობითი შერჩევის საფუძველზე 3 838 ადამიანი გამოიკითხა.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (SIDA) და ატარებს კავკასიის კვლევითი რესურსების ცენტრი (CRRC).

26.09.13