ინფორმაცია იმის თაობაზე, რომ მეტროს გაფიცვის გამო კონდუქტორები და კონტროლიორები 3 დღის ხელფასს ვერ აიღებენ, სიმართლეს არ შეესაბამება. ამის შესახებ თბილისის ვიცე-მერმა ირაკლი ხმალაძემ განაცხადა.
„ეს არის მცდარი ინფორმაცია. ეს ადამიანები იმ მოცდენილი პერიოდის ხელფასებს, რა თქმა უნდა, უკლებლივ აიღებენ“, – აცხადებს ირაკლი ხმალაძე.
თბილისის მეტროპოლიტენის მემანქანეები 4 ივნისს გაიფიცნენ და მუშაობა 6 ივნისს, 14:00 საათიდან განაახლეს.