რას ნიშნავს ევროინტეგრაცია? – მალხაზ ხაზარბეგიშვილი

   რა არის საჭირო რომ საქართველო, ევროგაერთიანების სრულყოფილი წევრი გახდეს? რასაკვირველია ეს კითხვა ერთერთი ყველაზე აქტუალურია დღეს და გარკვეული თვალსაზრისით სასიცოცხლო მნიშვნელობის მატარებელია ჩვენი ქვეყნისთვის. ვიდრე შევეცდებით ამ კითხვას გავცეთ პასუხი, აუცილებელია ავღნიშნოთ რომ, ევროპა არ არის ერთფეროვანი.  ძალზედ განსხვავებულია მასში შემავალი ქვეყნების ტრადიციები, ღირებულებები და მსოფლმხედველობა, მაგალითად შვეციაში შემოღებული საშუალო სქესი გენდერულ–ნეიტრალური hen, 

რომელიც აერთიანებს han-ს (ბიჭი) და hon-ს (გოგო), წარმოუდგენელია ესპანელისთვის.  ეს მაგალითი იმიტომ მოვიყვანე რომ საქართველოში, ნებისმიერ  ჩვენთვის მიუღებელ საკითხს თავს გვახვევენ როგორც, ევროინტეგრაციისთვის აუცილებელ პირობას. გარკვეული ჯგუფები ერთის მხრივ გრანტებისთვის მზად არიან, მიწასთან გაასწორონ ქვეყნის იმიჯი, არასწორად წარმოსახონ ჩვენი ტრადიციული მსოფლხედვა და მენტალიტეტი და მეორეს მხრივ ევროპას წარმოაჩენენ ცალმხრივად, რეგიონისთვის არცთუ მისაღები სახით, რითაც დასავლური ღირებულებების შესახებ არასწორ წარმოდგენას ქმნიან ქვეყანაში. გარდა ამისა აუცილებელია გავერკვეთ იმაში რომ, ევროპაში კი არ შედიხარ, არამედ ევროპელი ხდები. შესაბამისად საკითხი ამგვარად დგას: შვედი არის ევროპელი, ესპანელი არის ევროპელი, იტალიელი არის ევროპელი, ქართველი არის ევროპელი. ჩვენი ამოცანა სწორედ ესაა გავხდეთ ქართველი-ევროპელი და არა რაღაც აბსტრაქტული, ეროვნების გარეშე სუბიექტი. რას ნიშნავს ქართველი-ევროპელი? მოკლედ რომ გამოვთქვათ, ქართველი-ევროპელი ნიშნავს ევროპელს საქართველოდან ანუ ევროპელი უნდა გავხდეთ საკუთარი სამშობლოთი. სამშობლოკი, არ არის მხოლოდ ტერიტორია, ეს ღირებულებათა ერთობლიობაცაა, სწორედ ამ ღირებულებათა დაცვისთვის გვჭირდება NATO დათუმათდავთმობთ, რაღა იქნება დასაცავი? მოცემულობა ასეთია: გვაქვს ღირებულებათა ერთობლიობა და არსებობს ზოგადევროპული ღირებულებები, ჩვენი ამოცანა მათი დაახლოებაა საკუთარის მაქსიმალური შენარჩუნებით, ამასთან ის რაც ეწინააღდეგება ეროვნულ ინტერესებს არ უნდა იქნას მიღებული. მაშ ასე დავუბრუნდეთ კითხვას:  რა არის საჭირო რომ საქართველო, ევროგაერთიანების სრულყოფილი წევრი გახდეს? იმისთვის რომ საქართველო ევროგაერთიანების სრულყოფილი წევრი გახდეს, პირველ რიგში საჭიროა ეკონომიკის განვითარების დასავლურ მოდელებზე გადასვლა. ეს არის მცირე და საშუალო ბიზნესის ხელშოწყობა, start up-ების მსხვილმაშტაბიანი ინვესტირება, ანტიმონოპოლიური პოლიტიკა და საბანკო სისტემის თანამედროვე სტანდარტებზე აყვანა. start up-ების დაფინანსების შესახებ ცალკე უნდა ითქვას. საბჭოთა კავშირის დაშლის შემდეგ, საქართველოს სახელმწიფო ქონება რამდენჯერმე გადანაწილდა, რა თქმა უნდა უსამართლოდ. უმრავლესობას ამ გადანაწილებიდან არაფერი მიუღია. არავისთვის არაა საიდუმლო რომ, ბიზნესმენთა ძალიან მცირე ნაწილია ვინც საკუთარი ნიჭითა და უნარებით შეძლო ქონების დაგროვება, შესაბამისად მივიღეთ ერთის მხრივ ნიჭიერი ადამიანების ჯგუფი, რომლებსაც ფინანსებთან არანაირი წვდომა არ აქვთ, თუ არ ჩავთვლით წარმოუდგენელად ძვირ საბანკო რესურსს და მეორეს მხრივ შეძლებულ ადამიანთა ჯგუფი, რომლებიც ფლობენ ქონებას, მაგრამ არ უწყობენ ხელს ბიზნესის განვითარებას. რა თქმა უნდა ზემოთ თქმული არ ეხება ყველას, მაგრამ აშკარაა რომ მიუხედავად უზარმაზარი ქონების გადანაწილებისა, საქართველოში ძალიან მცირეა წარმატებულ საწარმოთა რიხცვი.  start up-ების დაფინანსება ერთადერთი გზაა, ქართული ეკონომიკისგან ვითარებაში ნიჭიერი, უნარიანი ადამიანების ჩართვისთვის, საშუალო ფენის შექმნისთვის, ახალი იდეებისა და ინოვაციური პროექტების რეალიზაციისთვის. გარდა ეკონომიკისა ევროპის გზაზე უდიდესი ყურადღება უნდა მიექცეს, სამოქალაქო განათლებას. ამასთან აუცილებელია შეიქმნას არასამთავრობო ორგანიზაციები, რომლებიც დაფინანსდებიან ქართული ფულით ამ შემთხვევაში ნამდვილად მოხდება ეროვნულიინტერესების გათვალისწინება. ევროინტეგრაცია ეს არ არის კოსმეტიკური შელამაზება, ეს არ არის მხოლოდ კანონების მიღება , ეს არის განვითარების პროცესი და უფრო მეტიც ევროინტეგრაციის პროცესია თვითონ შედეგი. დასკვნის სახით შეგვიძლია ვთქვათ რომ, ევროინტეგრაცია ეს ნიშნავს გახდე ევროპული ოჯახის წევრი და არ დაკარგო საკუთარი სამშობლო. და ბოლოს გავიმეოებ: შვედი არის ევროპელი, ესპანელი არის ევროპელი, იტალიელი არის ევროპელი, ქართველი არის ევროპელი. ჩვენი ამოცანა სწორედ ესაა გავხდეთ ქართველი-ევროპელი და არა რაღაც აბსტრაქტული, ეროვნების გარეშე სუბიექტი.

06.10.13

მალხაზ ხაზარბეგიშვილი