“ჯორჯიან უოთერ ენდ ფაუერის”: „თბილისს ხარისხიანი სასმელი წყალი მიეწოდება“

“ჯორჯიან უოთერ ენდ ფაუერის”  განცხადებით, დღეის მდგომარეობით, თბილისს ხარისხიანი სასმელი წყალი მიეწოდება.

მათივე ინფორმაციით, თბილისის მოსახლეობისთვის მიწოდებული სასმელი წყლის ხარისხი სრულად შეესაბამება საქართველოს ეროვნულ სტანდარტებსა და ჯანდაცვის მსოფლიო ორგანიზაციიის რეკომენდაციებს.

კომპანიის მტკიცებით, სასმელი წყლის ხარისხი, დღეს, დედაქალაქში მთლიანად აკმაყოფილებს “სასმელი წყლის ტექნიკური რეგლამენტით” გათვალისწინებულ პარამეტრებს.

ამასთან, კომპანია “ჯორჯიან უოთერ ენდ ფაუერი” მომხმარებლებს, დღეიდან, თბილისში სასმელი წყლის ხარისხსა და მის სტანდარტებთან დაკავშირებით, ყოველდღიურ ინფორმაციას მიაწვდის.

“ჯორჯიან უოთერ ენდ ფაუერის” ოფიციალური Facebook-გვერდი თბილისელებს საშუალებას მისცემს, ყოველდღიურად გაეცნონ “სასმელი წყლის ტექნიკური რეგლამენტით” გათვალისწინებულ პარამეტრებსა და კომპანიის წყალსადენის სათავო ნაგებობებიდან მიღებული სასმელი წყლის ხარისხობრივ მაჩვენებლებს.
იმ შემთხვევაში, თუ აბონენტს სასმელი წყლის ხარისხთან დაკავშირებით რაიმე სახის ეჭვი ან პრეტენზია გაუჩნდება, შეუძლია მიმართოს კომპანიის ცხელ ხაზს ( 032 2 93 11 11 ) ან Facebook-ის გვერდს.

09.10.13